Fel mae'n digwydd dw i'n cytuno gyda thi Rhion. Bu'r stori am Michelle Obama a'r ddelwedd o fwnci ar Google ar nifer o raglenni newyddion ac mewn nifer o bapurau newydd - gweler [1]. Y gwirionedd ydy y dylai unrhyw lun na sydd yn dangos y person sydd yn yr erthygl gael ei ddileu. Gwnest y peth iawn i'w ddileu yn fy marn i.
O ran y cyhuddiad o hiliaeth, dw i'n cytuno mai nod pwy bynnag a uwchlwythodd y llun o fwnci ar gyfer Michelle Obama oedd i gymharu pobl dduon i fwnciod sydd yn amlwg yn hiliol. O ran gosod llun o fwnci yn lle George Bush, yr awgrym yn yr achos hynny yw fod George Bush yn diffygiol o ran deallusrwydd ac felly nid yw hynny'n hiliol. Unwaith eto, roeddet yn llygad dy le yn dileu'r hiliaeth o'r wefan.
Anwybydda unrhyw sylwadau personol. Mae angen i ambell ddefnyddiwr eirio'i sylwadau mewn modd mwy sensitif er mwyn osgoi codi gwrychyn defnyddwyr eraill. Gobeithio fod hyn o gymorth. Paid a rhoi'r gorau iddi! Rhodri77 18:35, 9 Rhagfyr 2009 (UTC)
