Y Ddraenen

Ardal yng Nghaerdydd yw Draenen Pen-y-graig (Saesneg: Thornhill), sy'n gorwedd ar gyrion gogleddol y ddinas ar y ffordd i Gaerffili.

Tai sydd yn yr ardal yn bennaf, a'r rhan fwyaf yn dyddio o'r 1980au neu'n ddiweddarach. Mae hefyd sawl tafarn ac archfarchnad Sainsbury's.

Ychydig iawn o safleoedd hanesyddol sydd yn Nraenen Pen-y-graig. Mae gweddillion castell ar y ffin rhwng Caerffili a Draenen Pen-y-graig, sef Castell Morgraig.

Lleolir Draenen Pen-y-graig yn ward Llanisien Cyngor Dinas Caerdydd.

Addysg

Dim ond Ysgol Gynradd Draenen Pen-y-graig sydd wedi ei lleoli yn yr ardal ei hun. Darperir addysg gynradd Gymraeg gan Ysgol y Wern yn Llanisien.

Bydd plant o'r ardal naill ai yn mynychu ysgol gyfrwng Saesneg, Ysgol Uwchradd Llanisien, neu Ysgol Gyfun Gymraeg Glantaf yn Ystum Taf.

Eginyn erthygl sydd uchod am Gaerdydd. Gallwch helpu Wicipedia drwy ychwanegu ato