Malcolm Pryce

Awdur Seisnig yw Malcolm Pryce (ganwyd ym 1960), sy'n ysgrifennu nofelau ditectif noir yn arddull Raymond Chandler.

Bywgraffiad

Ganwyd Pryce yn Amwythig, cyn symyd i Aberystwyth yn naw oed, lle mynychodd Ysgol Gyfun Penglais yn diweddarach. Arhosodd yno hyd iddo gwblhau ei arholiadau Lefel A, cyn gadael i fynd i deithio.

Tra'n teithio bu'n gweithio yn ffatri BMW yn yr Almaen, ac fel golchwr llestri. Ar ôl gyrfa fer fel "gwerthwr aliwminiwm gwaetha'r byd", bu Pryce yn ysgrifennwr copi yn y byd hysbysebu yn Llundain a Singapore, ac mae e'n byw yn Bangkok, Gwlad Thai ar hyn o bryd.

Lleolir y nofelau yn Aberystwyth, ond mewn rhyw fydysawd arall lle mae derwyddon yn troseddu, lle mae bechgyn y dref yn diflannu mewn amgylchiadau rhyfedd, a lle mae gan y dref ddiwydiant ffilm, yn cynhyrchu ffilmiau 'Beth Welodd y Bwtler'. Arwr y straeon yw Louie Knight, ditectif preifat gorau tref Aberystwyth, ac yr unig dditectif preifat yn Aberystwyth...

Llyfrau

• Aberystwyth Mon Amour, 2001, Bloomsbury Publishing, ISBN 0-7475-5786-1
• Last Tango in Aberystwyth, 2003, Bloomsbury Publishing, ISBN 0-7475-6676-3
• The Unbearable Lightness of Being in Aberystwyth, 2005, Bloomsbury Publishing, ISBN 0-7475-7712-9
• Don't Cry for Me Aberystwyth, 2007, Bloomsbury Publishing, ISBN 978-0-7475-8016-4
• From Aberystwyth with Love, 2009, Bloomsbury Publishing, ISBN 978-0-7475-9519-9
• The Day Aberystwyth Stood Still, 2011, Bloomsbury Publishing, ISBN 978-1-4088-1025-5

Dolenni allanol

• Gwefan yr awdur