Anjaneyasana

Oddi ar Wicipedia
Anjaneyasana
Enghraifft o'r canlynolasana Edit this on Wikidata
Mathasanas sefyll, asanas penlinio Edit this on Wikidata
Tudalen Comin Ffeiliau perthnasol ar Gomin Wicimedia

Asana penlinio o fewn ioga yw Añjaneyāsana (Sansgrit: अञ्जनेयासन, yn llythrennol: "Asana Mab Anjani"), neu Leuad Cilgant,[1] neu weithiau Ashwa Sanchalanasana (asana Marchogol[2]). fe'i ceir o fewn ioga modern fel ymarfer corff yn hytrach na ioga myfyriol.

Fe'i cynhwysir weithiau fel un o'r asanas yn y dilyniant Surya Namaskar (Cyfarchiad i'r Haul), gyda'r breichiau i lawr yn yr achos hwnnw.

Etymology a tharddiad[golygu | golygu cod]

Y Lleuad cilgant (Anjaneyasana)

Mae'r enw Anjaneya (neu Anjani) yn enw mamol ar gyfer Hanuman, y duw-fwnci Hindwaidd, a'i fam yw. Mae Hanuman yn ffigwr canolog yn yr epig Rāmāyaṇa, ac yn Iṣṭa-devatā pwysig mewn addoliad defosiynol.[3]

Fel llawer o asanas sefyll, roedd Anjaneyasana yn anhysbys yn ioga hatha canoloesol, ac fe'i tynnwyd gerfydd ei glustiau i fewn i ioga modern yn yr 20g o'i lencyndod fel rhan o grefft ymladd Indiaidd. Fe'i defnyddir mewn ysgolion ioga modern fel Ioga Sivananda.[1] Mae wedi'i gynnwys fel un o'r asanas yn nilyniant math 1 Surya Namaskar (Cyfarchiad i'r Haul) Ioga Ashtanga Vinyasa.[4]

Disgrifiad[golygu | golygu cod]

Dosbarth ioga yn Parivritta Anjaneyasana

Mae'r asana yn dilyn rhagwth (lunge), gyda'r pen-glin ôl wedi'i ostwng i'r llawr, y cefn yn fwaog a'r breichiau wedi'u codi a'u hymestyn dros y pen. Mae bysedd y toed cefn wedi'u pwyntio'n ôl mewn arddulliau fel Ioga Ashtanga Vinyasa ac ambell steil arall, a phen y droed ar y llawr. Mae'r droed blaen yn dal ar i fyny, y cluniau wedi'u gostwng yn agos at y droed flaen a'r pen-glin blaen wedi'i blygu'n llwyr ac yn pwyntio ymlaen. Yn yr asana llawn, mae'r droed ôl yn cael ei godi a'i afael â'r ddwy law, a'r penelinoedd yn pwyntio i fyny.[1][2][5]

Amrywiadau[golygu | golygu cod]

Utthan Pristhasana, (Y Madfall)

Parivritta Anjaneyasana, asana paratoadol ar gyfer Parivritta Parsvakonasana (lle mae'r pen-glin cefn oddi ar y llawr),[6] yw'r ffurf tro. Yn, mae'r penelin gyferbyn â'r pen-glin blaen, a'r pen-glin cefn ar y llawr.[7][8]

Mae Utthan Pristhasana (Y Madfall), yn amrywiad gyda'r breichiau ar y llawr.[9]

O symud y droed flaen i'w ochr fel bod y pen-glin yn cusanu'r llawr, gellir symud yn daclus i osgo cysylltiedig, sef y Rajakapotasana.[1]

Mae rhai athrawon yn defnyddio'r enw Lleuad cilgant am rhagwth gyda'r pen-glin a'r dwylo wedi eu codi, fel yn Virabhadrasana I.[10] Defnyddia rhai'r enw Parivritta Anjaneyasana am Parivritta Parsvakonasana gyda phenelin i ben-glin.[11]

Gweler hefyd[golygu | golygu cod]

  • Ardha Chandrasana, asana hanner lleuad
  • Hanumanasana, asana cysylltiedig arall, y cefn-blaen yn hollti, y goes flaen yn syth allan
  • Rhestr o asanas
  • Ysgyfaint

Cyfeiriadau[golygu | golygu cod]

  1. 1.0 1.1 1.2 1.3 Lidell, Lucy; The Sivananda Yoga Centre (1983). The Book of Yoga: the complete step-by-step guide. Ebury. tt. 132–133. ISBN 978-0-85223-297-2. OCLC 12457963.
  2. 2.0 2.1 Saraswati, Swami Satyananda (2003). Asana Pranayama Mudra Bandha. Nesma Books India. t. 165. ISBN 978-81-86336-14-4.
  3. Gaia Staff (27 Medi 2016). "Anjaneyasana: The Lunge Pose". Gaia. Cyrchwyd 14 Chwefror 2019.
  4. "Surya Namaskar Variations: How it is done in these 3 popular yoga traditions". Times of India. 23 Mehefin 2018. Cyrchwyd 14 April 2019.
  5. Steiner, Ronald (June 2015). "Anjaneyāsana - Learning devotion from Hanuman" (yn de). Yoga Aktuell (92 June/July 2015). https://www.ashtangayoga.info/practice/inspiration-for-your-practice/180524-anjaneyasana/. Adalwyd 23 Ionawr 2019.
  6. Mehta, Silva; Mehta, Mira; Mehta, Shyam (1990). Yoga: The Iyengar Way. Dorling Kindersley. t. 36.
  7. Kozlowski, Coby (18 Mehefin 2015). "The 20-Minute Sequence For Finding Fulfillment: Revolved Low Lunge: Parivrtta Anjaneyasana". Yoga Journal. Cyrchwyd 23 Mai 2021.
  8. "Parivrtta Anjaneyasana: Revolved Lunge Pose". Gaia. 21 Medi 2016. Cyrchwyd 23 Mai 2021.
  9. Feinberg, Sonima; Feinberg, Dawn (5 Mai 2016). "A Yoga Sequence for Deep Hip Opening: Lizard Pose". Yoga Journal. Cyrchwyd 23 Mai 2021.
  10. "Asanas: Standing Poses". About-Yoga.com. Archifwyd o'r gwreiddiol ar 2021-03-06. Cyrchwyd 16 December 2018.
  11. "Revolved Crescent Lunge: Parivṛtta Aṅjaneyāsana". Pocket Yoga. Cyrchwyd 16 December 2018.