Alpau Japan

Oddi ar Wicipedia
Alpau Japan
Mathcadwyn o fynyddoedd Edit this on Wikidata
Enwyd ar ôlAlpau Edit this on Wikidata
Cylchfa amseramser safonol Japan Edit this on Wikidata
Daearyddiaeth
LleoliadChūbu Edit this on Wikidata
SirNiigata, Toyama, Yamanashi, Shizuoka, Gifu, Nagano Edit this on Wikidata
GwladBaner Japan Japan
Uwch y môr3,193 metr Edit this on Wikidata
Cyfesurynnau36°N 137°E Edit this on Wikidata
Map
Copaon Shirouma (Mynyddoedd Hida)
Copaon Tateyama (Mynyddoedd Hida)
Llyn Hakuba

Casgliad o res o fynyddoedd yng nghanolbarth Japan yw Alpau Japan (Japaneg: 日本アルプス Nihon Arupusu) sydd yn trawstori ynys Honshū, ynys fwyaf y wlad. Daeth yr enw Saesneg "Japanese Alps" o William Gowland, archeolegydd o Loegr a adnabyddir yn aml fel "Tad Archeoleg Japan" cyn cael ei boblogeiddio gan y Parchedig Walter Weston (1861–1940), cenhadwr o Loegr sydd bellach â cofeb yn nhref Kamikochi, man poblogaidd i dwristiaid a ddaw i Alpau Japan. Pan ddyfeisiodd William Gowland yr enw, yr oedd yn cyfeirio at Fynyddoedd Hida yn unig. Daeth yr ardal i enwogrwydd drwy gynnal Gemau Olympaidd y Gaeaf Nagano 1998.

Tair rhes o fynyddoedd[golygu | golygu cod]

Heddiw, mae Alpau Japan yn cynnwys tri prif res o fynyddoedd, Mynyddoedd Hida, Mynyddoedd Kiso a Mynyddoedd Akaishi. Mae'r rhain yn cynnwys nifer o gopaon sy'n esgyn dros 3,000m (9,843 troedfedd) mewn uchder, y talaf ar ôl Mynydd Fuji. Yr uchaf yw Mynydd Hotaka (3,190m) a Mynydd Kita (3193m). Mae Mynydd Ontake yn nhalaith Nagano (3,067m) yn fan ar gyfer pererindodau ynghŷd â bod yn llosgfynydd byw, wedi iddo ffrwydro yn ddiweddar ym 1979 ac 1980.

Mynyddoedd Hida[golygu | golygu cod]

Mae mynyddoedd Hida, neu'r "Alpau Gogleddol" yn res o fynyddoedd sydd yn ymestyn ar draws taleithiau Nagano, Toyama a Gifu. Mae rhan fechan ohonynt yn dod o fewn talaith Niigata.

Mynyddoedd Kiso[golygu | golygu cod]

Rhes o fynyddoedd yw mynyddoedd Kiso, neu'r "Alpau Canolog" sy'n ymestyn trwy daleithiau Nagano a Gifu.

Mynyddoedd Akaishi[golygu | golygu cod]

Rhes o fynyddoedd yw mynyddoedd Akaishi, neu'r "Alpau Deheuol" sy'n ymstyn ar draws taleithiau Nagano, Yamanashi a Shizuoka.

Cyfeiriadau[golygu | golygu cod]

  • Walter Weston, Mountaineering and Exploration in the Japanese Alps, Llundain, John Murray, 1896