Al Lewis

Oddi ar Wicipedia
Jump to navigation Jump to search
Al Lewis
Ganwyd 1984 Edit this on Wikidata
Pwllheli Edit this on Wikidata
Label recordio Cwmni Recordiau Sain Edit this on Wikidata
Dinasyddiaeth Baner Cymru Cymru
Galwedigaeth Canwr, cyfansoddwr caneuon Edit this on Wikidata
Arddull cerddoriaeth werin Edit this on Wikidata

Canwr Cymreig yw Al Lewis (enw llawn: Alwyn Lewis Roberts), a ddaeth i sylw cyhoeddus pan gipiodd yr ail wobr yng nghystadleuaeth Can i Gymru 2007 gyda'r gân Llosgi.[1]. Cychwynodd ei yrfa cerddorol yn y band Bluewood, gyda chyd-aelod Arwel Lloyd Owen.

Rhwng 2007 a 2008 rhyddhaodd ddwy EP yn y Gymraeg sef 'Byw mewn Breuddwyd' a 'Dilyn pob Cam'. Mae wedi chwarae mewn nifel o wyliau cerddorol gan gynnwys: Sŵn, Sesiwn Fawr, Maes B a Wakestock ynghyd â pherfformio ar raglenni fel Bandit, Nodyn a nifer o sesiynau i C2 Radio Cymru. Daeth ei albwm gyntaf 'Sawl Ffordd Allan' allan yn 2009 ac roedd yn cynnwys y caneuon Lle Hoffwn Fod, Trywydd Iawn a hefyd y gân Gwenwyn a berfformiwyd gan Meic Stevens.

Mae'r ail albwm Cymraeg Ar Gof a Chadw yn dilyn sŵn a naws In the Wake. Mae'r holl ganeuon yn trafod y syniad o fywyd yn gwibio heibio gan ein gadael yn hiraethu a'n gadael i fyfyrio ar y teimlad hwnnw o berthyn. Cyd-ysgrifennodd y caneuon gydag Arwel Lloyd, a gyda llais cefndir Sarah Howells.

Rhyddhaodd albwm Saesneg In the Wake' (ALM) yn 2010 a daeth yn artist y mis i'r cwmni Caffe Nero, gan deithio ledled gwledydd Prydain yn canu mewn caffis.

Ym mis Ebrill 2011 yng ngwobrau RAP Radio Cymru fe enillodd Al wobr "Artist Gwrywaidd y Flwyddyn".

Cyfeiriadau[golygu | golygu cod y dudalen]