Afon Llugwy

Oddi ar Wicipedia
Jump to navigation Jump to search
Afon Llugwy
North Wales Snowdon horseshoe.jpg
Math afon Edit this on Wikidata
Daearyddiaeth
Sir Cymru Edit this on Wikidata
Gwlad Baner Cymru Cymru
Uwch y môr 97 metr Edit this on Wikidata
Cyfesurynnau 53.0833°N 3.8°W Edit this on Wikidata
Aber Afon Conwy Edit this on Wikidata
Gweler hefyd Afon Llugwy (Powys).
Afon Llugwy ger Capel Curig
Afon Llugwy uwchlaw Betws-y-Coed

Mae Afon Llugwy yn afon yn Sir Conwy, gogledd Cymru, sy'n un o lednentydd Afon Conwy. Mae gwreiddyn y gair Lugwy, sef lleu, yn golygu "goleuni".[1]

Cwrs[golygu | golygu cod y dudalen]

Mae Afon Llugwy yn tarddu yn llyn Ffynnon Llugwy, uwch Nant y Benglog ac islaw Craig yr Ysfa yn y Carneddau, llyn sy'n cael ei fwydo gan nifer o nentydd ar lethrau'r Carneddau. Wedi gadael y llyn mae'r afon yn llifo tua'r de nes croesi ffordd yr A5 ger Pont Rhyd-goch ac yna'n troi tua'r de-ddwyrain i redeg yn ymyl yr A5 i bentref Capel Curig, lle mae Nant Gwryd yn ymuno a'r afon. Ar ôl Capel Curig mae'r afon yn parhau i ddilyn yr A5 heibio Pont Cyfyng (neu Pont Cyffin), lle mae'n llifo'n gyflym tros wely creigiog ac yn pasio safle caer Rufeinig fechan Bryn-y-Gefeiliau, ac yna yn disgyn dros y Rhaeadr Ewynnol (Swallow Falls yn Saesneg). Mae'n llifo dan Bont-y-Pair ym mhentref Betws-y-Coed ac yn ymuno ag Afon Conwy wrth Bont Waterloo gerllaw.

Gwlybder[golygu | golygu cod y dudalen]

Mae dalgylch Afon Llugwy ar gyfartaledd yr ardal mwyaf glawog yng Nghymru ac ym Mhrydain i'r de o Ucheldiroedd yr Alban.

Cyfeiriadau[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: