William Lloyd (mynyddwr)

Oddi ar Wicipedia
Neidio i: llywio, chwilio

Milwr Cymreig ac un o arloeswyr dringo yn yr Himalaya oedd Syr William Lloyd (29 Rhagfyr 1782 - 16 Mai 1857).

Bywgraffiad[golygu]

Ganed ef yn Wrecsam, yn fab i fanciwr, ac addysgwyd ef yn Rhuthun. Ymunodd â byddin yr Honourable East India Company yn 1798, a dod yn swyddog. Bu'n brif swyddog yn Nagpur am 14 mlynedd. Yn 1822 cychwynnodd ar daith trwy'r Himalaya, gan gyrraedd hyd at Buan Ghati ar y ffîn â Tibet. Ar 13 Mehefin, dringodd i gopa Boorendo ar ei ben ei hun; efallai y cofnod cyntaf o ddringo mynydd yn yr Himalaya yn unig er mwyn ei ddringo. Yn 1840, cyhoeddodd hanes ei daith fel The Narrative of a Journey from Cawnpoor to the Boorendo Pass. Gwnaed ef yn farchog yn 1838, ac ymddeolodd i Fryn Estyn, Wrecsam.

Cyfeiriadau[golygu]


Baner CymruEicon person Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.