Nifwl

Oddi ar Wicipedia
Neidio i: llywio, chwilio
Seryddiaeth
Seryddiaeth

Lleuad
Planed
Seren
Galaeth
Bydysawd


Astroffiseg
Cosmoleg


Nifwl

Yn seryddiaeth, cwmwl o nwy a llwch yn y gofod sy'n dod yn weladwy dan amgylchiadau neillduol yw nifwl neu nebiwla (Lladin: nebula). Mae'r rhan fwyaf o'r nifylau a welir yn nifylau rhyngseryddol ond ceir yn ogystal nifylau o gwmpas planedau, gelwir hyn yn nifylau planedol.

Achosir nifwl i fod yn weladwy y rhesymau canlynol:

Mae nifwl allyrru yn weladwy am fod y nwy ynddo yn cael ei ïoneiddio gan ymbelydredd uwchfioled, fel rheol o seren boeth o fewn y cwmwl. Wrth i'r ïonau adweithio gydag electronnau rhydd, creir goleuni (yn y sbectrymau coch a gwyrdd gan amlaf) sy'n cael ei daflu allan o'r nifwl. Mae Nifwl Orion yn enghraifft dda o nifwl allyrru.
Gelwir yr ail fath o nifwl yn nifwl adlewyrch, lle mae goleuni o seren agos yn cael ei adlewyrchu i bob cyfeiriad gan y llwch yn y nifwl, gan ei oleuo fel canlyniad.
Yn olaf ceir y nifwl tywyll. Yn yr achos yma, yn lle adlewyrchu goleuni mae'r llwch yn y nifwl yn ei leihau yn sylweddol gan beri i'r nifwl sefyll allan fel ffurf dywell ar gefndir mwy golau.

Creodd y seryddwr Ffrengig Charles Messier ei gatalog enwog (Catalog Messier) gan gredu ei fod yn cofnodi nifylau, ond erbyn heddiw gwyddom mai dim ond rhai o'r wrthrychau Messier sy'n nifylau ac mai galaethau a gwrthyrchau eraill ydy'r mwyafrif ohonynt.

Saturn template.svg Eginyn erthygl sydd uchod am seryddiaeth. Gallwch helpu Wicipedia drwy ychwanegu ato.