Mathonwy Hughes
| Mathonwy Hughes | |
|---|---|
| Ganwyd | 24 Chwefror 1901  Llanllyfni |
| Bu farw | Mai 1999 |
| Dinasyddiaeth |  Cymru |
| Galwedigaeth | bardd, golygydd |
| Cysylltir gyda | Y Faner |
| Perthnasau | R. Silyn Roberts |
Bardd a llenor Cymraeg oedd Mathonwy Hughes (24 Chwefror 1901 - Mai 1999). Ganed ef ym mhlwyf Llanllyfni yng Ngwynedd, yn fab i chwarelwr, Joseph Hughes, a'i wraig Ellen. Roedd Robert Roberts (Silyn) yn ewythr iddo.
Bywgraffiad[golygu | golygu cod]
Yn saith oed aeth i Ysgol Gynradd Nebo ond bu'n wael, yn rhy wael i fynychu Ysgol y Sir ym Mhen-y-groes; ond cafodd fynd i'r ysgol yng Nghlynnog - siwrnai o 10 milltir ar droed.[1]
Bu'n olygydd cynorthwyol Baner ac Amserau Cymru o 1949 hyd 1977. Fel ei ewythr, bu'n weithgar iawn gyda Mudiad Addysg y Gweithwyr. Enillodd y gadair yn Eisteddfod Genedlaethol Cymru Aberdâr 1956 am ei awdl ysgafn Gwraig, a chyhoeddodd nifer o gasgliadau o farddoniaeth ac ysgrifau.
Llyfryddiaeth[golygu | golygu cod]
- Amell Ganu (1957)
- Corlannau (1971)
- Myfyrion (1973)
- Creifion (1979)
- Dyfalu (1979)
- Awen Gwilym R. (1980)
- Gwin y Gweunydd (1981)
- Atgofion Mab y Mynydd (1982, hunangofiant)
- Chwedlau'r Cynfyd (1983)
Cyfeiriadau[golygu | golygu cod]
- ↑ Gwefan Nantlle.com; awdur: O. P. Hughes; adalwyd 13 Mai 2013.