Llyn Erie

Oddi ar Wicipedia
Neidio i: llywio, chwilio
Llyn Erie o fryn ger Leamington, Ontario.
Lleoliad Llyn Erie

Un o'r Llynnoedd Mawr yng Ngogledd America yw Llyn Erie (Saesneg: Lake Erie). Ef yw'r pedwerydd o'r pum Llyn Mawr o ran arwynebedd, a'r basaf o'r pump. Enwyd y llyn ar ôl y bobl frodorol, llwyth yr Erie. Saif Llyn Erie ar y ffîn rhwng Canada a'r Unol Daleithiau. Yn y gogledd, mae'n ffinio ar Ontario, Canada, yn y de ar daleithiau Ohio, Pennsylvania ac Efrog Newydd yn yr Unol Daleithiau, ac yn y gorllewin ar dalaith Michigan yn yr Unol Daleithiau. Mae ei arwynebedd yn 25,745 km2 a'i hyd yn 388 km.

Disgrifiad[golygu]

Llifa Afon Detroit i'r llyn o Lyn Huron a Llyn St. Clair, ac mae Afon Niagara yn llifo allan o'r llyn i Lyn Ontario. Ceir nifer o ynysoedd yn y llyn. Ar yr ochr ogleddol, penrhyn Parc Cenedlaethol Point Pelee yw'r rhan fwyaf deheuol o dir mawr Canada. Saif dinasoedd a threfi Buffalo, Efrog Newydd; Erie, Pennsylvania; Toledo, Ohio; Port Stanley, Ontario; Monroe, Michigan; a Cleveland, Ohio ar lan Llyn Erie.

Cyfeiriadau[golygu]

Flag of Canada.svg Eginyn erthygl sydd uchod am Ganada. Gallwch helpu Wicipedia drwy ychwanegu ato
Flag USA template.svg Eginyn erthygl sydd uchod am yr Unol Daleithiau. Gallwch helpu Wicipedia drwy ychwanegu ato.