Gernika

Oddi ar Wicipedia
Neidio i: llywio, chwilio
Derwen Gernika

Tref yn nhalaith Biskaia yng Nghymuned Ymreolaethol Gwlad y Basg yw Gernika' (Basgeg: Gernika, Sbaeneg: Guernica). Gyda thref gyfagos Lumo ("Luno" yn Sbaeneg) mae'n ffurfio ardal ddinesig Gernika-Lumo, sydd a phoblogaeth o 15,571 (2004).

Mae Gernika o bwysigrwydd mawr yn hanes Gwlad y Basg, oherwydd y cyfarfodydd a gynhelid dan dderwen Gernika, a elwid y Gernikako Arbola. Daeth y cyfarfodydd hyn yn symbol o hawliau traddodiadol Gwlad y Basg. Ar 26 Ebrill, 1937, bomiwyd Gernika gan awyrennau Almaenig oedd yn ymladd dros Fransisco Franco yn Rhyfel Cartref Sbaen. Ysbrydolodd hyn ddarlun enwog Pablo Picasso, Guernica.