Ehedydd y Coed

Oddi ar Wicipedia
Neidio i: llywio, chwilio
Ehedydd y Coed
Dosbarthiad gwyddonol
Teyrnas: Animalia
Ffylwm: Chordata
Dosbarth: Aves
Urdd: Passeriformes
Teulu: Alaudidae
Genws: Lullula
Rhywogaeth: L. arborea
Enw deuenwol
Lullula arborea
(Linnaeus, 1758)
Lullula arborea

Mae Ehedydd y Coed (Lullula arborea) yn aelod o deulu'r Alaudidae, yr ehedyddion, a'r unig aelod o'r genws Lullula. Mae'n nythu ar draws rhannau helaeth o Ewrop ac Asia a'r Dwyrain Canol yn ogystal a mynyddoedd Gogledd Affrica.

Nid yw Ehedydd y Coed yn aderyn mudol yn y gorllewin fel rheol, ond yn y dwyrain mae yn mudo ymhellach i'r de yn y gaeaf. Aderyn brown, tua 13.5 - 15 cm o hyd yw, yn bur debyg i'r Ehedydd o ran ei olwg. Mae'n fwyaf adnabyddus oherwydd ei gân, ac yn aml mae'n codi yn uchel i'r awyr dan ganu, hyd at 100 medr. Nytha mewn coedwigoedd agored, neu rostir gyda choed gwasgaredig.

Ar un adeg roedd Ehedydd y Coed yn aderyn cyffredin trwy Gymru, ond bu gostyngiad mawr yn ei niferoedd yn y cyfnod ar ôl yr Ail Ryfel Byd, hyd nes iddo bron ddiflannu fel aderyn sy'n nythu. Yn y blynyddoedd diwethaf, ymddengys ei fod yn graddol ddychwelyd i rai ardaloedd.