Eglwys Sant Garmon, Adamsdown

Oddi ar Wicipedia
Neidio i: llywio, chwilio
Eglwys Sant Garmon, Esgob Auxerre


Lleoliad Adamsdown, Caerdydd
Enwad Yr Eglwys yng Nghymru
Gwefan Gwefan swyddogol
Gweinyddu
Esgobaeth Esgobaeth Llandaf

Eglwys Anglicanaidd yn Adamsdown, Caerdydd, yw Eglwys Sant Garmon (Saint German's Church). Fe'i hadeiladwyd i gynlluniau'r penseiri George Frederick Bodley a Thomas Garner ym 1881–4, a caiff ei hystyried yn un o'u campweithiau.[1] Yn ôl un hanesydd pensaernïol yr eglwys hon a "gyflwynodd Gothig Fictoraidd hwyr i dde Cymru".[2] Mae'n adeilad ar raddfa eang ac oddi mewn mae'r bwâu ar hyd corff yr eglwys ar naill ochr yn ymestyn bron i'r nenfwd, gan roi effaith agored tebyg i Hallenkirchen gogledd Ewrop.[1] Mae addoliad yr eglwys yn y traddodiad Eingl-Gatholig, a oedd ar ei anterth yn yr 1880au.[3]

Penodwyd yr eglwys yn adeilad rhestredig Gradd I ym 1952 fel "un o adeiladau crefyddol harddaf y 19eg ganrif yng Nghymru" ac "eglwys aruthrol o goeth a chain gan bensaer [sic] pwysig a dylanwadol".[4]

Cyfeirnodau[golygu]

  1. 1.0 1.1 Jenkins, Simon (2008). Wales: Churches, Houses, Castles. Llundain: Penguin. tud. 155. 
  2. Newman, John (1995). Glamorgan. The Buildings of Wales. Llundain: Penguin. tud. 300. 
  3. Rose, Jean (2013). Cardiff Churches Through Time. Stroud: Amberley Publishing. tud. 22. 
  4. (Saesneg) Church of St German of Auxerre, Adamsdown. British Listed Buildings. Adalwyd ar 5 Ebrill 2014.