Daniel Radcliffe
Actor Seisnig yw Daniel Jacob Radcliffe[1][2] (23 Gorffennaf 1989). Adnabyddir ef orau am ei rôl fel Harri Potter ymhob un o'r pump ffilm yn seiliedig ar y llyfrau hynod boblogaidd Harry Potter. Fe fydd hefyd yn ymddangos yn y tri ffilm olaf yn y gyfres.
Mae Radcliffe hefyd wedi actio mewn cynhyrchiadau llwyfan a nifer o ffilmiau a rhaglenni teledu eraill, gan gynnwys y ffilm ITV My Boy Jack a'r drama lwyfan Equus, a gafodd feirniadaethau canmoladwy iawn. Credir fod ganddo ffortiwn bersonol o ychydig yn llai na £20 miliwn, a ddaeth yn bennaf o'i gytundeb gyda'r ffilmiau Harry Potter.
[golygu] Bywgraffiad
Ei fywyd cynnar
Ganwyd Radcliffe yn Ysbyty'r Frenhines Charlotte, Gorllewin Llundain, Lloegr. Ef oedd unig fab Alan Radcliffe, asiant llenyddol, a Marcia Gresham (ganed Marcia Gresham Jacobson), asiant castio a oedd ynghlwm â nifer o ffilmiau ar gyfer y BBC gan gynnwys The Inspector Lynley Mysteries ac yn fwy diweddar Walk Away and I Stumble. Iddewes yw mam Radcliffe a gafodd ei magu yn Westcliff-on-Sea, Essex; magwyd ei dad yng Ngogledd Iwerddon. Dangosodd Radcliffe ddiddordeb mewn actio am y tro cyntaf pan oedd yn bum mlwydd oed. Ym mis Rhagfyr 1999, cafodd ei ran cyntaf yn addasiad dwy-ran y BBC o nofel Charles Dickens "David Copperfield". Chwaraeodd ran y prif gymeriad.
[golygu] Ffilmiau
- Harry Potter and the Philosopher's Stone (ffilm) (2001)
- Harry Potter and the Chamber of Secrets (ffilm) (2002)
- Harry Potter and the Prisoner of Azkaban (ffilm) (2004)
- Harry Potter and the Goblet of Fire (ffilm) (2005)
- Harry Potter and the Order of the Phoenix (ffilm) (2007)
[golygu] Ffynonellau
- ↑ Daniel Radcliffe (actor bio). HarryPotter.Warnerbros.
- ↑ Daniel Radcliffe, or Daniel Jacob Radcliffe (British actor) - Britannica Online Encyclopedia
