Argos (dinas)

Oddi ar Wicipedia
Neidio i: llywio, chwilio
Gweddillion hen theatr Argos

Mae Argos (Groeg: Άργος, Árgos,) yn ddinas yn y Peloponnesos yng Ngwlad Groeg, gerllaw Nafplio. Ceir olion o'r cyfnod Neolithig yn y cysegr yn Argolis, rhyw 45 o stadia o Argos, i gyfeiriad Mycenae. Roedd y fangre yma wedi ei chysegru i'r dduwies Hera. Yn y cyfnod Myceneaidd roedd Argos yn ddinas bwysig, ynghyd â dinasoedd cyfagos Mycenae a Tiryns. Ym mytholeg Groeg, mae Perseus yn mynd ag Andromeda i Argos wedi iddynt briodi, ac maent yn sefydlu llinach brenhinol y Perseidiaid yno.

Wedi'r 6ed ganrif CC. daeth Sparta yn fwy pwerus, ac effeithiodd hyn ar safle Argos. Roedd cryn elyniaeth rhwng Argos a Sparta, ac ni ymladdodd Argos yn ystod Rhyfeloedd Groeg a Persia. Yn ystod y Rhyfel Peloponnesaidd yn y 5ed ganrif CC. roedd Argos yn bleidiol i Athen yn erbyn Sparta, ond ni chymerodd lawer o ran yn yr ymladd. Yn y 12fed ganrif adeiladwyd castell, Kastro Larissa, ar fryn Larissa, safle'r hen Acropolis.

Y demarkheio (Neuadd y Ddinas) yn Argos

Mae dinas Argos yn awr yn brifddinas y dalaith o'r un enw, un o dair talaith yn nomos Argolis.Yn 2001 roedd y boblogaeth yn 27,550.