Andrew Lloyd Webber
Oddi ar Wicipedia
| Andrew Lloyd Webber | |
|---|---|
 |
|
| Geni | 22 Mawrth 1948 |
| Enwau eraill | Arglwydd Lord Webber |
| Enwog am | Jesus Christ Superstar, Cats, Evita, Joseph and the Amazing Technicolor Dreamcoat, Starlight Express |
| Galwedigaeth | Cyfansoddwr cerddorol |
Mae Andrew Lloyd Webber, Baron Lloyd-Webber (ganwyd 22 Mawrth 1948) yn gyfansoddwr cerddorol Seisnig hynod o lwyddiannus.
Yn arbenigwr ym maes y sioeau cerdd, mae Lloyd Webber wedi cyfansoddi 16 o sioeau, 2 sgôr ffilm a requiem mass yn Lladin ymysg gweithiau eraill. Yn ogystal a hyn, mae'r cyfansoddwr o Dde Kensington, wedi casglu rhestr faith o wobrau ac anrhydeddau ym myd ffilm a theatr gan gynnwys saith Gwobr Tony, tair Gwobr Grammy, Oscar, Emmy Rhyngwladol, chwech Gwobr Olivier a Gwobr Golden Globe. Mae ei ganeuon enwocaf wedi'u canu a'u recordio gan filoedd o artistiaid ar draws y byd. Ers dod yn berchennog ar y Palace Theatre yn Llundain yn 1983 mae Lloyd Webber wedi prynu wyth o theatrau Llundain, gan gynnwys y London Palladium.
Ymysg ei ganeuon enwocaf mae I Don't Know How to Love Him (Jesus Christ Superstar), Memory (Cats), Don't Cry for Me Argentina (Evita), Any Dream Will Do (Joseph and the Amazing Technicolour Dreamcoat) Music of the Night (Phantom of the Opera) a Love Changes Everything (Aspects of Love).
[golygu] Sioeau Cerdd
- The Likes of Us (1965) (Tim Rice)
- Joseph and the Amazing Technicolor Dreamcoat (1968) (Tim Rice)
- Jesus Christ Superstar (1971) (Tim Rice)
- Jeeves (1975) / ailenwyd yn By Jeeves (1996) (Alan Ayckbourn)
- Evita (1976) (Tim Rice) - seiliedig ar fywyd Eva Peron
- Cats (1981) (o gerddi T. S. Eliot 1939)
- Tell Me On a Sunday (1979) / ailenwyd yn Song and Dance (1982) (Don Black)
- Starlight Express (1984) (Richard Stilgoe)
- The Phantom of the Opera (1986) (Richard Stilgoe/Charles Hart)
- Aspects of Love (1989) (Don Black/Charles Hart)
- Sunset Boulevard (1993) (Don Black/Christopher Hampton)
- Whistle Down the Wind (1996) (Jim Steinman)
- Metal Philharmonic (1997) (yn arbennig ar gyfer gwyl gerddorol Lloyd Webber)
- The Beautiful Game (2000) (Ben Elton)
- The Woman in White (2004) (David Zippel)
Rhoddir awdur geiriau'r sioeau mewn cromfachau.
Mae amryw o sioeau Lloyd Webber wedi'u cyfieithu i'r Gymraeg gan gynnwys Ioseff a'r Gôt Freuddwyd Decni-Liw Ryfeddol a Iesu Grist Siwpyrstar.
