Zhang Tianyi
| Zhang Tianyi | |
|---|---|
| Ganwyd | 26 Medi 1906  Nanjing |
| Bu farw | 28 Ebrill 1985 Beijing |
| Dinasyddiaeth | Gweriniaeth Pobl Tsieina |
| Galwedigaeth | ysgrifennwr, awdur plant, newyddiadurwr, gwleidydd |
| Swydd | National People's Congress deputy |
Llenor Tsieineaidd sy'n adnabyddus am ei straeon byrion realaidd oedd Zhang Tianyi (ganwyd Zhang Yuanding; 26 Medi 1906 – 28 Ebrill 1985).[1]
Ganwyd yn Nanjing, Jiangsu, a mynychodd ysgol uwchradd yn Hangzhou. Cychwynnodd ei yrfa yn ysgrifennu straeon ditectif. Symudodd i Beijing ym 1925 a dechreuodd ysgrifennu straeon dychanol. Cyhoeddodd sawl casgliad o straeon byrion, gan gynnwys Xiao Bide (1931), Tuanyuan (1935), a Suxie sanpian (1943), a nofelau dychanol gan gynnwys Guitu riji (1931) a Yanglingbang (1936).
Bu'n rhaid iddo roi'r gorau i'w waith am gyfnod yn y 1940au gan iddo ddioddef y diciâu. Wedi iddo wella, cafodd gwaith swyddogol gan y llywodraeth gomiwnyddol yn ysgrifennu straeon a dramâu i blant.
Cyfeiriadau[golygu | golygu cod]
- ↑ (Saesneg) Zhang Tianyi. Encyclopædia Britannica. Adalwyd ar 10 Mai 2018.