Zabrinski

Zabrinski

Enghraifft o'r canlynol	band
Label recordio	Ankst
Dod i'r brig	2007
Genre	seicadelia newydd

Band cerddoriaeth trydanol Gymreig o Gaerfyrddin oedd Zabrinski. Roedd y band, a ymddangosodd yn gyntaf yn 2000, yn cyfuno seicadelia a cherddoriaeth electronig. Enillodd Executive Decision y wobr am sengl y flwyddyn yng nghylchgrawn enwog Record Collector yn 2003.

Cafodd y band ei enwi oherwydd camsillafiad ffilm o 1970, sef Zabriskie Point.

Eu halbwm cyntaf oedd Screen Memories, a hawliodd sylw'r beirniaid yn syth. Mae'r record yn gyfuniad o bop seicadelig law yn llaw ag elfennau o'r llawr ddawns a'r byd electro-arbrofol.

Roedd Zabrinksi yn rhan o genhedlaeth newydd a ysbrydolwyd gan grwpiau fel Super Furry Animals, Gorky's Zygotic Mynci a Topper. Ymhlith eu halbyms mwya poblogaidd y mae: Yeti (2001), Koala Ko-ordination (2002) a Ill Gotten Game (2005) ac fe'u disgrifiwyd gan y BBC fel albymau 'llawn dyfeisgarwch, melodi a chynhyrchu beiddgar'. Dros y blynyddoedd, cymharwyd y grŵp i grwpiau ac unigolion fel Flaming Lips, Aphex Twin, Primal Scream a'r Beach Boys.^{[angen ffynhonnell]}

Er iddynt deithio drwy wledydd Prydain gyda'r Super Furry Animals a recordio sesiynau ar gyfer Huw Stephens a John Peel ar Radio 1, daeth y grŵp i ben yn 2007.

Aelodaeth

Yr aelodau a sefydlodd y grwp yn wreiddiol oedd Mathew Durbridge, llais a guitar; Gareth Burger Richardson, gitar ac Iwan Morgan: samplyrs byw, recordio a chynhyrchu. Cychwynwyd y grwp tra roeddent yn yr ysgol. Gadawodd Iwan yn ddiweddarach ac ymunodd Kris Jenkins ar yr allweddelau ac offerynnau taro. Cyn hir ymunodd Rhun Lenny, Gitar Fâs; Owain Jones, drymiau a Pwyll ap Stifyn, recordio a chynhyrchu.

Disgograffi

Albymau

• Screen Memories, Rhagfyr 2000, (Microgram - label eu hunain)
• Yeti, Tachwedd 2001, (Ankstmusik)
• Koala Ko-ordination, 25 Medi 2002
• Ill Gotten Game, 16 Mehefin 2005

Senglau/EP

• Freedom Of The Hiway/Rattlesnake On Ice, Mawrth 2001, (Boobytrap)
• Executive Decision, 16 Mehefin 2003

Dolenni allanol

• [1] Zabrinski ar wefan y BBC
• [2] Archifwyd 2007-09-26 yn y Peiriant Wayback Cyfweliad 'Drowned in Sound'