Ysgol Gynradd Gymunedol Penrhyn-coch

Oddi ar Wicipedia
Jump to navigation Jump to search

Ysgol a leolir ym mhentref Penrhyn-coch, Ceredigion, yw Ysgol Gynradd Gymunedol Penrhyn-coch. Mae'n ysgol gynradd gymunedol, yng nghategori A yn ôl polisi iaith yr awdurdod addysgol lleol, felly Cymraeg yw iaith yr ysgol.

Ysgol Gynradd sirol, cyd addysgol dyddiol yw hi, wedi ei gosod yng nghategori A polisi iaith yr Awdurdod Addysgol Lleol. Darperir addysg ynddi ar gyfer y Cymry a'r Di-Gymraeg gyda'r nôd o ddwyieithrwydd i bob disgybl erbyn iddynt gyrraedd blwyddyn 6. Daw'r ysgol o fewn dalgylch Ysgolion Gyfun Penweddig a Phenglais, Aberystwyth.

Sefydlwyd yn wreiddiol fel Ysgol Genedlaethol ynghanol y pentref ym 1863. Adeiladwyd ysgol newydd gerllaw a agorwyd ym 1969. Roedd dwy ystafell ddosbarth, neuadd, cegin a dau ddosbarth symudol ar ffurf cabanau. Adnewyddwyd yr ysgol yn 2005 gydag estyniad yn cynnwys pedwar ystafell ddosbarth, neuadd, cegin, a blociau toiledau.[1]

Cyfeiriadau[golygu | golygu cod y dudalen]

  1.  O gwmpas yr Ysgol. Ysgol Gymunedol Penrhyn-coch. Adalwyd ar 28 Gorffennaf 2011.

Dolenni allanol[golygu | golygu cod y dudalen]

Apple-book.svg Eginyn erthygl sydd uchod am ysgol yng Nghymru. Gallwch helpu Wicipedia drwy ychwanegu ato.