Y Niwl

Oddi ar Wicipedia
Jump to navigation Jump to search
Y Niwl
Gwybodaeth gefndirol
Man geni Baner Cymru Caernarfon
Cerddoriaeth "Roc syrffio"
Blynyddoedd 2009
Label(i) recordio Aderyn Papur
Gwefan http://yniwl.com/
Aelodau
Alun Evans, Peter Richardson, Sion Glyn, Gruff ab Arwel[1]
Prif offeryn(au)
Gitâr, gitâr fas, organ a drymiau

Band o Gymru ydy'r Niwl, a sefydlwyd yn 2009, sy'n chwarae cerddoriaeth offerynnol sydd wedi ei ysbrydoli gan roc yr 1960au ac sydd wedi cael ei ddisgrifio fel "roc syrffio".[1] Aelodau'r band yw Alun Evans (gitâr), Llyr Pari (drymiau), Sion Glyn (gitâr fas) a Gruff ab Arwel (organ a gitâr).

Ers 2009, maent wedi perfformio yng ngŵyl Green Man a Sŵn.[2][3]

Gyrfa[golygu | golygu cod y dudalen]

Rhyddhawyd albwm gyntaf y band, Y Niwl, ar 29 Tachwedd 2010 ar label Aderyn Papur. Recordiwyd yr albwm yn stiwdio Bryn Derwen, a'i mastro gan David Wrench. Mae pob un o ganeuon yr albwm wedi'u henwi ar ôl rhif, ond nid yw'r rhifau hyn yn adlewyrchu trefn y caneuon.

Yn canolbwyntio ar yr offerynnol yn unig, roedd yr albwm yn llwyddiant ysgubol gyda'r band yn perfformio mewn nifer o gigs proffil uchel (yn cefnogi Gruff Rhys ar sawl achlysur). Cawsant lwyfan hefyd mewn Gwyliau o bwys fel Latitude, Sŵn a'r Green Man. Mae'r ffaith nad ydynt yn canu mewn iaith penodol yn sicr wedi estyn apel y band i gynulleidfa dipyn ehangach na'r arferol i fand Cymraeg.

Cafodd yr albwm ei greu yn defnyddio hen dechnegau recordio i sichrau dilysrwydd cyfnod cerddoriaeth 'syrff' gyda'r peiriannydd uchel ei barch, David Wrench, (British Sea Power, Hot Chip ac eraill), yn cynhyrchu.

Enwebwyd Y Niwl fel Albwm yr Wythnos gan The Sunday Times ar 2 Ionawr 2011, a derbyniodd 7/10 mewn adolygiadau gan Droned in Sound NME.

Ym mis Mai 2011 cyhoeddodd y band sengl newydd, Undegsaith/Undegchwech. Yn yr un flwyddyn, enillodd Y Niwl Wobr Roc a Phop BBC Radio Cymru am y Band Byw gorau, yn dilyn llwyddiant yng Nghwobrau RAP 2010, pan enillodd Y Niwl Wobr 'y band a ddaeth i amlygrwydd'.

Hefyd yn 2011, defnyddiodd y rhaglen deledu, Football Focus y gân Undegpedwar fel ei cherddoriaeth thema.

Cyfeiriadau[golygu | golygu cod y dudalen]

  1. 1.0 1.1  Surf's up for Y Niwl. South Wales Echo (1 Rhagfyr 2010). Adalwyd ar 2 Medi 2011.
  2.  Y NIWL. Sŵn. Adalwyd ar 2 Medi 2011.
  3.  ARTIST PROFILE: Y NIWL. Green Man Festival. Adalwyd ar 2 Medi 2011.

Dolenni allanol[golygu | golygu cod y dudalen]

Cerddcymru.png Eginyn erthygl sydd uchod am gerddoriaeth Cymru. Gallwch helpu Wicipedia drwy ychwanegu ato