Cystadleuaeth Wici Henebion

Oddi ar Wicipedia
(Ailgyfeiriad o Wiki Loves Monuments)
Inffograffig yn dangos geotagio otomatig, categoreiddio a llawer o'r gwaith sy'n digwydd y tu ôl i'r llen.
Mae'r wefan i uwchlwytho'r ffotograffau o Gymru ar Comin yma. Ceir teclyn pwrpasol hefyd, gyda map, yma.

Cystadleuaeth flynyddol mewn ffotograffiaeth ydy Cystadleuaeth Rijksmonument neu Wici Henebion (Saesneg: Wiki Loves Monuments) a gaiff ei gweinyddu bob mis Medi. Trefnir gan gymuned Wicipedia fyd-eang ac yn 2012 roedd 31 ffotograffydd o wahanol wledydd wedi cystadlu.[1] Canolbwyntir ar dynnu lluniau o adeiladau hanesyddol.

Cychwynwyd y gystadleuaeth yn yr Iseldiroedd yn 2010, ond ymledodd drwy Ewrop yn sydyn iawn ac o fewn blwyddyn, yn ôl y Guinness Book of Records, dyma oedd y gystadleuaeth tynnu lluniau fwyaf drwy'r byd.[2]

Logo Wici Henebion

Sefydlu[golygu | golygu cod]

Hysbyswyd y gystadleuaeth yn wreiddiol am luniau "Rijksmonument" (sef yr Iseldireg am henebion cenedlaethol) ac ysbrydolwyd ffotograffwyr i dynnu lluniau'r henebion hyn yn yr Iseldiroedd. Roedd y Rijksmonument yn cynnwys pensaerniaeth a gwrthrychau o ddiddordeb cyffredinol a oedd yn hynod am eu prydferthwch, eu nodweddion gwyddonol neu ddiwylliannol. Yn eu plith yr oedd safle archaeolegol Drenthe, Plasdy Brenhinol Noordeinde yn yr Hague a'r tai diddorol ar hyd y camlesi yn Amsterdam. Danfonwyd dros 12,500 o luniau i'r gystadleuaeth.[3]

Lluniau o Gymru[golygu | golygu cod]

Yn 2014 tynnwyd oddeutu 20% o'r lluniau drwy wledydd Prydain yng Nghymru

Castell Cas-gwent; 2014

ac yn 2017 cafwyd bron i 1,500 yn fwy o luniau o Gymru nag o Loegr.

2013 - 1,748
2014 - 1,426
2015 - Wikimedia UK yn peidio cymryd rhan
2016 - 685
2017 - 6,824[4]
2018 - 1,305
2019 - 6,223
2020 - 408
2021 - dim
2022 - 1,775
2023 - 3,102

Un o'r enillwyr yn 2014 oedd llun Karen Sawyer - a roddodd ei llun ar yr erthygl gyfatebol ym Mis Medi - dim ond ar y wici Cymraeg! Dyma'r tro cyntaf i lun o Gymru gyrraedd y brig.

Gwâl y Filiast

Rhai cyn-enillwyr[golygu | golygu cod]

Rhai ffotograffau eraill o Gymru (2023)

Gweler hefyd[golygu | golygu cod]

Cyfeiriadau[golygu | golygu cod]

  1. Eglash, Ruth (28 Awst 2012). "Hundreds of cultural sites to be visually documented during "Wiki Loves Monuments event."". Jerusalem Post. Cyrchwyd 15 Medi 2012.
  2. Guinness World Records, Largest photography competition, 2012.
  3. (Ffrangeg) Virginie Malbos, Le monumental concours de Wikimédia, dans Libération, 9 Medi 2011, consulted 22 Awst 2012. "The operation had taken place last year in the Netherlands, and was concluded by the arrival of 12,500 new royalty-free photos."
  4. Comin