Wawffactor

Oddi ar Wicipedia
Jump to navigation Jump to search
Wawffactor
Cyflwynwyd gan Eleri Siôn
Beirniaid Owen Powell
Bethan Elfyn
Aled Haydn Jones
Huw Chiswell
Gwlad Cymru
Iaith wreiddiol Cymraeg
Nifer o gyfresi 3
Cynhyrchiad
Cynhyrchydd/wyr Alfresco
Rhyddhau
Rhwydwaith gwreiddiol S4C
Fformat y llun 16:9
Darlledwyd yn wreiddiol 2003 – 2006
Dolennau allanol
Gwefan

Cyfres deledu Cymraeg ar ffurf sioe dalent oedd Wawffactor. Fe'i darlledwyd ar S4C rhwng 2003 a 2006 a fe'i cynhyrchwyd gan gwmni Al Fresco. Yn ail i Lisa Pedrig yn 2003 daeth Aimee Duffy a aeth ymlaen i enwogrwydd byd-eang ac roedd ei sengl 'Mercy' yn rhif un am wythnosau lawer.[1] Wyneb enwog arall oedd ar Wawffactor yw Aimee-Ffion Edwards a ddaeth yn enwog yn 2008 am chwarae rhan Sketch yn y ddrama i bobl ifanc, Skins.

Fformat[golygu | golygu cod y dudalen]

Perfformiodd y cystadleuwyr yn gyntaf o flaen panel o bedwar beirniad mewn un o sawl clyweliad a gynhaliwyd o gwmpas y wlad. O'r rhain, dewiswyd deg unigolyn i fynd ymlaen i'r rhagbrofion lle ar ôl perfformio bob wythnos, dewisodd beirniaid i adael y gystadleuaeth nes bod tri ar ôl. Yn ystod y ffeinal byw, dewisodd y beirniaid un cystadleuydd i adael, a dewiswyd yr enillydd drwy bleidlais ffôn cyhoeddus. Y wobr oedd recordio albwm a fideo.

Beirniaid[golygu | golygu cod y dudalen]

Beirniad y gyfres gyntaf oedd y cyn gitarydd Catatonia Owen Powell, y canwr a chyflwynydd Emma Walford, y cerddor Peredur ap Gwynedd ac Aled Haydn Jones, ar y pryd yn gynhyrchydd rhaglen Radio 1 Chris Moyles. Yn yr ail gyfres disodlwyd Emma Walford gan y DJ BBC Radio 1 Bethan Elfyn, a disodlwyd Peredur ap Gwynedd gan y cerddor Huw Chiswell yn y drydedd gyfres. Cyflwynwyd y sioe gan Eleri Siôn ac roedd Caryl Parry Jones yn rhoi cyngor a hyfforddiant llais i'r cystadleuwyr ar gyfer y rhagbrofion stiwdio.[2]

Enillwyr[golygu | golygu cod y dudalen]

Blwyddyn Enillydd Ail Trydydd Cyf
2003/04 Lisa Pedrick Aimee Duffy Beth Williams [1]
2005 Rebecca Trehearn Francesca Hughes [A] [3]
2006 Einir Dafydd Aimee-Ffion Edwards a Nathan Whiteley [4]
Nodiadau
  • A ^ Byddai Lisa Haf Davies wedi bod yn drydydd, ond fe dynnodd allan wedi iddi gael clwy'r pennau.

Cyfeiriadau[golygu | golygu cod y dudalen]

  1. 1.0 1.1 Smith, Lizzie (20 Chwefror 2009). "Triple Brit winner Duffy... as the teen singer who could only come second in the Welsh Pop Idol". Mail Online.
  2. "Wawffactor".
  3. "Waw! Gwych Genod". BBC Lleol. Mawrth 2005.
  4. "Einir yn ennill". BBC Lleol. Mai 2006.

Dolenni Allanol[golygu | golygu cod y dudalen]