Victor Salvi
| Victor Salvi | |
|---|---|
| Ganwyd | 4 Mawrth 1920  Chicago |
| Bu farw | 10 Mai 2015 Milan |
| Dinasyddiaeth | Unol Daleithiau America |
| Galwedigaeth | telynor, gwneuthurwr offerynnau cerdd |
Telynor, gwneuthurwr telynau a dyn busnes Americanaidd oedd Victor Salvi (4 Mawrth 1920 – 10 Mai 2015). Fe'i ganed yn Chicago i deulu o Eidalwyr; roedd ei rieni wedi mudo i'r Unol Daleithiau yn 1909, a'r ddau'n dod o deulu o delynorion a gwneuthurwyr telynau.
Ar ôl rhai blynyddoedd llwyddiannus fel telynor, gan gynnwys cyfnod gyda Philharmonig Efrog Newydd, symudodd Victor i'r Eidal yn 1955 i sefydlu busnes gwneud telynau yn Genova, sef cwmni telynau Salvi, prif wneuthurwr telynau Ewrop hyd heddiw. Caiff ei gofio fel rhywun sydd wedi arloesi o ran cynhyrchu telynau cadarnach sy'n canu'n uwch, a rhywun, drwy ei gwmni, a gododd statws y delyn yn rhyngwladol.[1]
Cyfeiriadau[golygu | golygu cod]
- ↑ (Saesneg) Victor Salvi, Who Played Harps and Made Them Too, Dies at 95. The New York Times (22 Mai, 2005). Adalwyd ar 30 Mai, 2021.