Tudno

Oddi ar Wicipedia
Jump to navigation Jump to search
Tudno
1419209 4fdfc842.jpg
Ganwyd 6G Edit this on Wikidata
Cymru Edit this on Wikidata
Dinasyddiaeth Baner Cymru Cymru
Galwedigaeth abad, arweinydd crefyddol Edit this on Wikidata
Cysylltir gyda Llandudno Edit this on Wikidata
Dydd gŵyl 5 Mehefin Edit this on Wikidata
Gweler hefyd Tudno (gwahaniaethu).

Tudno (bl. 6g efallai) yw nawddsant Llandudno yng ngogledd Cymru. Ceir eglwys a gysegrwyd iddo ar Y Gogarth, ger Llandudno. Dethlir Ŵyl Mabsant ar 5 Mehefin.

Hanes a thraddodiad[golygu | golygu cod y dudalen]

Ychydig a wyddys amdano. Yn ôl traddodiad roedd yn un o saith mab Seithenyn, porthor llys Gwyddno Garanhir. Pan foddwyd Cantre'r Gwaelod oherwydd esgeulustra Seithenyn aeth ei feibion yn fynachod ym Mangor Is-Coed. Yno yn y clas roedd Tudno yn ddisgybl i Dunawd Sant.[1]

O Fangor Is-Coed aeth Tudno i Ben y Gogarth a sefydlodd eglwys yno a elwir Eglwys Tudno ar ei ôl. Ceir llefydd eraill cysylltiedig â'r sant ar y Gogarth, fel 'Ffynnon Tudno'. Yn ôl traddodiad roedd yn byw am gyfnod fel meudwy yn 'Ogof Llech'. Mae 'Crud Tudno' yn enw ar faen sigl ar y Gogarth yn ogystal.[2]

Llongau Tudno[golygu | golygu cod y dudalen]

Enwyd dwy long ar ôl y sant, sef yr USS Tudno a'r St Tudno. Roedd yr olaf yn gweithio hyd dechrau'r 1960au ar y gwasanaeth fferi rhwng Llandudno ac Ynys Manaw.

Cyfeiriadau[golygu | golygu cod y dudalen]

  1. T. D. Breverton, The Book of welsh Saints (Caerdydd, 2001).
  2. E. D. Rowland, Dyffryn Conwy a'r Creuddyn (Lerpwl, 1947).