Trychineb Lockerbie

Oddi ar Wicipedia
Neidio i: llywio, chwilio
Rhan o drwyn a bwrdd hedfan yr awyren yn Lockerbie.

Ymosodiad terfysgol ar Ehediad Pan Am 103 ar 21 Rhagfyr 1988 oedd trychineb Lockerbie. Bu farw 270 o bobl i gyd. Ffrwydrodd bom ar yr awyren wrth iddi deithio o Frankfurt am Main i Detroit drwy Lundain a Dinas Efrog Newydd. Disgynodd darnau'r awyren ar dref Lockerbie, yr Alban, gan ladd yr holl griw a'r teithwyr ac 11 o bobl ar y ddaear.

Rhoddwyd dau Libiad ar brawf gan dri barnwr Albanaidd yn yr Iseldiroedd. Yn 2001 cafwyd Abdelbaset al-Megrahi yn euog o 270 cyhuddiad o lofruddiaeth a chafodd ei dedfrydu i garchar am oes. Ni chafwyd Lamin Khalifah Fhimah yn euog o'r un cyhuddiad. Cafodd al-Megrahi ei ryddhau o'r carchar yn 2009 am resymau tosturiol, a bu farw o ganser y prostad yn 2012.