Trowsus

Trowsus

Math	dillad
Ffeiliau perthnasol ar Gomin Wicimedia

Dilledyn ydy trowsus neu llodrau, sy'n ymestyn o'r cluniau i'r migyrnau gan orchuddio'r coesau'n unigol (yn hytrach na gyda darn o ddefnydd yn ymestyn o amgylch y ddwy goes megis sgert). Yn y gorllewin, dilledyn ar gyfer dynion oedd trowsus ers yr 16eg ganrif, ond erbyn yr 20fed ganrif caent eu gwisgo'n gyffredin gan ferched yn ogystal.

Yn y 15fed ganrif cysylltid trywsusau llac gwlanog gyda’r dosbarth cymdeithasol isaf a'r enw arnynt oedd llawdr neu llodrau. Cysylltir hwy â lladron a dyna darddiad y gair. Ar y llaw arall, daeth trywsusau tynn iawn a elwid yn hose yn Saesneg neu'n 'hosan' yn y Gymraeg yn boblogaidd gan yr uchelwyr. Roedd yr 'hosanau' canoloesol yn wahanol iawn i'r hyn a wisgir heddiw. Arferid eu gwisgo gyda'r 'ddwbled gwta' ac roeddent yn ffyrnigo rhai pobl gan eu bod yn dangos gormod o siâp y corff, gan eu bod yn ymestyn o’r esgid hyd at dop y goes.

Delweddau

• 
  Copis (neu falog); (o'r Saesneg: Codpiece. Antonio Navagero, Milan, 1565
• 
  Copis ar drowsus "Pluderhose" bachgen yr Ymerawdwr Maximilian II o Awstria, 1567
• 
  Trowsus pluderhose, 1566
• 
  Lederhose lledr o'r Almaen
• 
  Trowsus dwyn fala; Sbaen 1925.
• 
  Trowsus traddodiadaol "shalwar kameez" o Dwrci. Caiff ei wisgo hefyd ym Mhacistan, Affganistan a Cashmir.
• 
  Pâr o jins "Levis" ar ddyn
• 
  Ofyrôls (o'r Saesneg: overalls); dillad addas i labro.
• 
  Trowsus Capri, neu drowsus hanner mast.
• 
  Trowsus cwta. Mae'r math yma'n addas ar gyfer chwaraeon.
• 
  Trowsus cwta ar gyfer y traeth.

Cyfeiriadau

Chwiliwch am trowsus
yn Wiciadur.