Trefor Selway

Trefor Selway
Trefor Selway
Ganwyd	Trefor Owen Selway; 1931 ; Pandytudur
Bu farw	25 Chwefror 2018 ; Bodelwyddan
Dinasyddiaeth	Cymru
Alma mater	Coleg Normal, Bangor ;
Galwedigaeth	actor, athro

Actor a diddanwr o Gymru oedd Trefor Selway (1931 – 25 Chwefror 2018).^[1]^[2] Roedd yn athro yn y 1950au ac yn yr 1980au daeth yn actor llawn amser. Yn y 1960au bu'n aelod o Chwaraewyr Garthewin a phortreadodd Hamlet yn un o gynyrchiadau Cymraeg cyntaf o'r ddrama.^[3]

Bywyd cynnar ac addysg

Ganwyd Trefor Owen Selway ym Mhandy Tudur, Sir Conwy a magwyd yn ardal Penygroes. Astudiodd yn Y Coleg Normal, Bangor.

Gyrfa

Bu'n athro ac yna'n brifathro yn Eglwysbach, Ysgol Glanadda ym Mangor ac Ysgol Deganwy. Yn ystod y cyfnod yma roedd hefyd yn actio ar radio ac ar lwyfan.

Yn yr 1980au cynnar, aeth i weithio fel actor yn llawn amser. Bu'n cyflwyno'r rhaglen Noson Lawen ar y radio^[4] a cyflwynodd y rhifyn teledu cyntaf o'r gyfres Noson Lawen ar S4C.

Bywyd personol

Roedd yn briod a Liz ac roedd ganddynt ddau o blant, Alwen ac Owain a berfformiodd fel deuawd yn y 1960au. Bu farw Owain Selway ar 16 Rhagfyr 2005 wedi tân difrifol yn ei dŷ yn Eglwysbach. Fe'i achubwyd o ystafell wely gan swyddogion tân ac fe'i gludwyd i Ysbyty Glan Clwyd lle bu farw yn ddiweddarach. Roedd hyn yn dilyn tân yn ei dŷ yn Eglwysbach.^[5]

Bu farw Trefor yn 86 mlwydd oed, yn nghwmni ei deulu, yn Ysbyty Glan Clwyd. Roedd wedi bod yn dioddef o glefyd lymffoma. Cynhaliwyd ei angladd ar Ddydd Llun, 5 Mawrth 2018. Roedd gwasanaeth cyhoeddus yng Nghapel MC Eglwysbach am 2.00yp wedi ei ddilyn gan wasanaeth hollol breifat yn Amlosgfa Bae Colwyn.^[6]

Gwaith

Theatr

Chwaraewyr Garthewin

Gofid Cudd (1960)
Taid (1962) -
Hamlet (1964)

Cwmni Theatr Gwynedd

Y Gosb Ddiddial (1992)
Golff (1993)
Chwith Meddwl (1993)
Y Gelli Geirios (1993)
Dyddiau Difyr (1998)
Amadeus (2000)

Theatr Genedlaethol Cymru

Diweddgan (2006)

Teledu

Dawn Dweud - perfformiwr ar y sioe adloniant (1985–1989)
Breian - comedi sefyllfa (1989–1990)
Porc Peis Bach
Jabas
Minafon (1987)
Paradwys Ffŵl (1993)
Y Palmant Aur fel William Jones (1996–1997)
Hafod Haidd fel Evan (1998–1999)
Y Stafell Ddirgel (2001)
Cysgodion Gdansk (1987)

Ffilm

Stormydd Awst (1988)
Noson yr Heliwr (1991)
Wild Justice fel Samuel Hughes (1994)
Y Mynydd Grug (1997)
Oed yr Addewid (2002)

Cyfeiriadau

↑ Yr actor Trefor Selway wedi marw yn 86 oed , BBC Cymru Fyw, 25 Chwefror 2018.
↑ Cofnod FreeBMD
↑ Davies, Hazel Walford (1995). Saunders Lewis a Theatr Garthewin. Gomer.
↑ “Dim ond gwenu a chwerthin” wrth feddwl am Trefor Selway , Golwg360, 25 Chwefror 2018.
↑ Teyrngedau i’r actor Trefor Selway , Golwg360, 25 Chwefror 2018.
↑ "Click here to view the tribute page for TREFOR OWEN SELWAY". funeral-notices.co.uk (yn Saesneg). Cyrchwyd 2024-08-20.

Dolenni allanol

Trefor Selway ar wefan Internet Movie Database

[1] Yr actor Trefor Selway wedi marw yn 86 oed , BBC Cymru Fyw, 25 Chwefror 2018.

[2] Cofnod FreeBMD

[3] Davies, Hazel Walford (1995). Saunders Lewis a Theatr Garthewin. Gomer.

[4] “Dim ond gwenu a chwerthin” wrth feddwl am Trefor Selway , Golwg360, 25 Chwefror 2018.

[5] Teyrngedau i’r actor Trefor Selway , Golwg360, 25 Chwefror 2018.

[6] "Click here to view the tribute page for TREFOR OWEN SELWAY". funeral-notices.co.uk (yn Saesneg). Cyrchwyd 2024-08-20.

[1]

[2]

[3]

[4]

[5]

[6]