Tozeur

Oddi ar Wicipedia
Jump to navigation Jump to search
Tozeur
Tozeur Avenue Habib Bourguiba.JPG
Math municipality of Tunisia Edit this on Wikidata
Poblogaeth 37,365 Edit this on Wikidata
Daearyddiaeth
Sir Tozeur Edit this on Wikidata
Gwlad Baner Tiwnisia Tiwnisia
Cyfesurynnau 33.92°N 8.13°E, 33.9197°N 8.1336°E Edit this on Wikidata
Cod post 2200 Edit this on Wikidata

Mae Tozeur (Arabeg: توزر) yn ddinas a gwerddon yng ngorllewin canolbarth Tiwnisia. Lleolir y ddinas i'r gorllewin o Chott el-Djerid, rhwng y chott hwnnw a Chott el-Gharsa. Mae'n brifddinas Talaith Tozeur.

Gyda rhai cannoedd o filoedd o balmwydd, mae Tozeur yn werddon fawr a ffrwythlon gyda'r ddinas ei hun yn ei chanol. Allforio'r dêts sy'n tyfu ar y palmwydd sy'n cyfrif am enwogrwydd Tozeur. Yn y gorffennol bu Tozeur yn ganolfan bwysig ar y llwybrau masnach dros y Sahara, gan gysylltu gorllewin Affrica ag arfordir Môr y Canoldir; arferid teithio mewn carafanau mawr dros yr anialwch. Hen enw'r ddinas oedd Tusuros, a bu trefedigaeth Rufeinig yma yn y gorffennol.

Ym medina (hen ddinas) Tozeur, ceir nifer o enghreifftiau o bensaernïaeth draddodiadol a siopau crefftwyr. Mae twristiaeth yn chwarae rhan bwysig yn yr economi ond mae'n waith tymhorol ac fel arfer nid yw twristiaid yn aros yno ond yn hytrach yn ymweld am y diwrnod o ganolfannau gwyliau fel Djerba ar yr arfordir. Mewn canlyniad i hyn a ffactorau economaidd eraill, mae diweithdra yn broblem fawr yn Tozeur.