Thucydides

Oddi ar Wicipedia
Neidio i: llywio, chwilio
Thucydides
Thucydides-bust-cutout ROM.jpg
Penddelw Thucydides; copi Helenistaidd diweddar o wreiddiol 4g CC (Amgueddfa Frenhinol Ontario)
Ganwyd 460 BCE Edit this on Wikidata
Alimos Edit this on Wikidata
Bu farw Athen Edit this on Wikidata
Gwaith Hanesydd, awdur Edit this on Wikidata
Gwaith nodedig History of the Peloponnesian War Edit this on Wikidata

Hanesydd a chadfridog Groegaidd oedd Thucydides (Hen Roeg: Θουκυδίδης, Thoukydídēs) (c. 460 CC – c. 400 CC. Mae'n enwog fel awdur Hanes Rhyfel y Peloponnesos, sy'n rhoi hanes Rhyfel y Peloponnesos rhwng Athen a Sparta yn rhan olaf y 5 CC. Ystyrir mai ef oedd yr hanesydd cyntaf i gasglu tystiolaeth yn fanwl ac yn feirniadol.

Nid oes llawer o wybodaeth am ei fywyd; ceir y rhan fwyaf o'i waith ef ei hun. Roedd yn Atheniad, yn fab i Olorus. Gyrrwyd ef fel cadfridog i Thasos yn 424 CC oherwydd ei ddylanwad yn Thrace. Yn ystod gaeaf 424-423 CC, ymosododd Brasidas o Sparta ar Amphipolis, hanner diwrnod o hwylio o Thasos. Gyrroedd Eucles, yr arweinydd Athenaidd yn Amphipolis, at Thucydides am gymorth, ond erbyn i Thucydides gyrraedd, roedd y ddinas eisoes wedi ildio. Cyhuddwyd Thucydides o fod yn gyfrifol am fod y ddinas wedi ei cholli, ac alltudiwyd ef.

Ymddengys iddo fynd i fyw ar ei stad yn Thrace, a defnyddio ei amser ar gyfer ymchwilio ac ysgrifennu ei hanes. Mae yr hanes yn gorffen yn sydyn yn 411 CC, cyn diwedd y rhyfel, efallai am fod Thucydides wedi marw, ond cynigiwyd rhesymau eraill hefyd.