The Life Story of David Lloyd George

The Life Story of David Lloyd George

Enghraifft o:	ffilm
Lliw/iau	du-a-gwyn
Dyddiad cyhoeddi	1996
Genre	ffilm fud, ffilm ddrama, ffilm hanesyddol, ffilm am berson
Prif bwnc	David Lloyd George
Lleoliad y gwaith	Llundain
Hyd	152 munud
Cyfarwyddwr	Maurice Elvey
Cwmni cynhyrchu	Ideal Film Company
Iaith wreiddiol	Saesneg

Ffilm fud am hanes bywyd a gyrfa gynnar y gwleidydd Cymreig David Lloyd George yw The Life Story of David Lloyd George. Fe'i cynhyrchwyd yn 1918 ond diflanodd o'r golwg am 76 o flynyddoedd nes ei hailddarganfod yn archifau ffilm Llyfrgell Genedlaethol Cymru.

Cyfarwyddwyd y ffilm gan Maurice Elvey. Am ryw reswm, sy'n ddirgelwch hyd heddiw, atalwyd y ffilm cyn ei gorffen. Awgrymir mai ar orchymyn y Blaid Ryddfrydol y gwnaed hynny.

Mae'r ffilm yn adrodd stori plentyndod Lloyd George yn Eifionydd ac yna'n dilyn ei yrfa feteorig fel gwleidydd Rhyddfrydol a ddechreuodd fel un o radicalwyr mwyaf ei gyfnod ac a ddaeth yn weinidiog rhyfel yng nghabinet llywodraeth y DU yn ystod y Rhyfel Byd Cyntaf ac wedyn yn brif weinidog.

Ffilm ddyfeisgar ac arloesol o ran ei thechneg ydyw, sy'n defnyddio technegau fel ôl-fflachiau lliw a gweledigaethau.

Portreadir Lloyd George gan yr actor Norman Page a cheir cannoedd o ecstras. Mae Alma Reville yn chwarae rhan Megan Lloyd George.

Y fersiwn adferedig

Mae'r Llyfrgell Genedlaethol wedi adfer y ffilm. Fe'i dangoswyd am y tro cyntaf yn 1996 yng Nghaerdydd.

Cafodd ei chyhoeddi ym Mawrth 2009 ar DVD gyda cherddoriaeth wreiddiol gan y pianydd Neil Brand. Ceir cyflwyniad ar y cefndir hanesyddol a ffilmyddol gan yr actor Philip Madoc.

Dolenni allanol

• Newyddion LlGC: "'The Life Story of David Lloyd George' nawr ar DVD" Archifwyd 2008-08-15 yn y Peiriant Wayback, gwefan Llyfrgell Genedlaethol Cymru
• (Saesneg) Manylion y ffilm ar IMDB