Stabat Mater Dolorosa
 | |
| Enghraifft o: | gwaith llenyddol, segwens  |
|---|---|
| Crëwr | Jacopone da Todi |
| Awdur | Jacopone da Todi |
| Iaith | Lladin |
| Genre | barddoniaeth |
| Dynodwyr | |
| Freebase | /M/01tsxf |
| Quora | Stabat-mater |
 Ffeiliau perthnasol ar Gomin Wicimedia | |
Segwens neu emyn sy'n rhan o litwrgi traddodiadol yr Eglwys Gatholig Rufeinig ar gyfer y Pasg yw'r Stabat Mater Dolorosa, neu'r Stabat Mater. Mae ei awduraeth yn ansicr, ond cred rhai ysgolheigion mai'r bardd ac ysgolhaig o'r Eidal Jacopone da Todi, aelod o Urdd Sant Ffransis, oedd yr awdur. Mae'r Stabat Mater yn disgrifio dolur Mair Forwyn wrth droed y Groes (ystyr y teitl, sy'n dod o linell gyntaf yr emyn, yw "Safai'r Fam ddolurus").
Cân i'w llafarganu yn y dull canoloesol yn yr eglwys oedd y Stabat Mater yn wreiddiol, ond dros y canrifoedd mae sawl cyfansoddwr wedi ei haddasu, yn cynnwys Giovanni Pierluigi da Palestrina, Giovanni Battista Pergolesi, Schubert, Haydn, Rossini (ffurf operatig hir), Verdi, Dvořák a Hristo Tsanoff (2007).
