Snaefell

Oddi ar Wicipedia
Jump to navigation Jump to search
Snaefell
Snaefell.jpg
Mathmynydd Edit this on Wikidata
Daearyddiaeth
Rhan o'r canlynolYnys Manaw Edit this on Wikidata
SirYnys Manaw Edit this on Wikidata
GwladBaner Ynys Manaw Ynys Manaw
Uwch y môr621 metr Edit this on Wikidata
Cyfesurynnau54.263288°N 4.461618°W Edit this on Wikidata
Amlygrwydd2,037 Troedfedd, 621 metr Edit this on Wikidata

Snaefell (Manaweg: Sniaul) yw mynydd uchaf Ynys Manaw a'i hunig gopa sy'n uwch na 2000 troedfedd. Mae'n enw Hen Norseg sy'n golygu "Mynydd yr Eira". Dywedir y gellir gweld chwech teyrnas o'r copa ar ddiwrnod braf, sef Cymru, Iwerddon, Yr Alban, Lloegr, ac Ynys Manaw, ynghyd â Theyrnas y Nef ei hun. Mae rhai fersiynau yn ychwanegu seithfed, teyrnas Neifion, y Môr. Mae Rheilffordd Fynydd Snaefell yn rhedeg am y 4 milltir o Laxey i'r copa. Fel yn achos Yr Wyddfa, ceir caffi ar y copa.

Un o drenau Rheilffordd Fynydd Snaefell ar y ffordd i fyny Snaefell

Mae ffordd yr A18 (a adnabyddir fel 'Ffordd Fynydd Snaefell') yn croesi llethrau isaf Snaefell, ac yn ffurfio rhan uchaf llwybr rasus motorbeic y TT, a gynhelir yn flynyddol ar Ynys Manaw.

Ceir rhai mynyddoedd yng Ngwlad yr Ia a enwir yn Snæfell yn ogystal (yr un enw ydyw, ond gyda sillafiad gwahanol), gan gynnwys y mynydd sy'n lleoliad i rewlif enwog Snæfellsjökull.

Dolenni allanol[golygu | golygu cod y dudalen]