Sian Gwenllian

Oddi ar Wicipedia
Jump to navigation Jump to search
Siân Gwenllian AC
Sian Gwenllian


Deiliad
Cymryd y swydd
6 Mai 2016
Rhagflaenydd Alun Ffred Jones

Geni Mehefin 1956 (63 oed)
Plaid wleidyddol Plaid Cymru
Alma mater Prifysgol Aberystwyth, Prifysgol Caerdydd

Mae Siân Gwenllian (ganwyd Mehefin 1956) yn wleidydd Plaid Cymru ac ers Mai 2016 yn Aelod Cynulliad dros Arfon.[1] Cyn cael ei hethol i'r Cynulliad bu'n Gynghorydd Sir Gwynedd, dros etholaeth Y Felinheli. Rhwng 2010 - 2012 roedd yn gyfrifol am bortffolio cyllid yr awdurdod. Rhwng 2012 - 2014 bu'n aelod y cabinet addysg, arweinydd plant a phobol ifanc ac yn ddirprwy arweinydd y cyngor. Yn 2014, fe'i gwnaed yn Hyrwyddwr Busnesau Bach Gwynedd, yn gyfrifol am hyrwyddo'r sector yma o economi Gwynedd.

Magwraeth a phersonol[golygu | golygu cod y dudalen]

Fe'i haddysgwyd yn ysgol Friars, Bangor ac ym mhrifysgolion Aberystwyth a Chaerdydd. Yna bu’n newyddiadurwr efo’r BBC a HTV ym Mangor cyn dod yn gynghorydd sir dros Y Felinheli, y pentref lle'i maged.

Yn 2015, fe'i dewisiwyd i sefyll fel ymgeisydd Plaid Cymru yn Arfon ar gyfer etholiadau’r Cynulliad yn 2016. Mae'n olynu Alun Ffred Jones, Aelod Cynulliad presennol Arfon, sy’n ymddeol.

Magodd Siân bedwar o blant ar ei phen ei hun wedi i’w gwr, Dafydd Vernon o Benygroes, farw o ganser 17 mlynedd yn ôl. Roedd hyn yn her enfawr ond mae wedi ei gwneud yn gryf a thosturiol. Aeth y plant i’r ysgol yng Nghaernarfon.

Cyfeiriadau[golygu | golygu cod y dudalen]

  1. Plaid Cymru hold Arfon for Siân Gwenllian. Daily Post, 6 Mai 2016 (Saesneg)