Selfoss

Oddi ar Wicipedia
Jump to navigation Jump to search
Selfoss
Selfoss im Dezember.jpg
Math dinas Edit this on Wikidata
Poblogaeth 6,878 Edit this on Wikidata
Gefeilldref/i
Savonlinna, Arendal, Bwrdeistref Kalmar, Aasiaat Edit this on Wikidata
Daearyddiaeth
Sir Árborg Edit this on Wikidata
Gwlad Baner Gwlad yr Iâ Gwlad yr Iâ
Arwynebedd 2,000,000 m² Edit this on Wikidata
Uwch y môr 9 metr Edit this on Wikidata
Yn ffinio gyda Flúðir Edit this on Wikidata
Cyfesurynnau 63.932169°N 21.000228°W Edit this on Wikidata
2014-09-13 16-02-23 Iceland - Selfoss

Mae Selfoss yn dref yn neheudir Gwlad yr Iâ ar lannau'r afon Ölfusá.

Mae'n rhan o fwrdeisdref, a dyma dref fwrdeisdref, Árborg. Mae'r gylchffordd enwog, Ffordd Rhif 1, yr ynys (Islandeg: Hringvegur) yn rhedeg drwy'r dref ar ei ffodd rhwng Hveragerði a Hella. Mae'r dref yn ganolfan masnach a diwydiant bychan gyda phoblogaeth o 7,130 (1 Ionawr 2017), gan ei gwneud y ganolfan drefol fwyaf yn ne Gwlad yr Iâ.

Mae'n ganolfan boblogaeth gyda thwristiaid gan ei bod yn agos i atyniadau megis y Þingvellir a llosgfynydd Hekla.

Daearyddiaeth[golygu | golygu cod y dudalen]

Lleolir y dref tua 11 km i mewn i'r tir o arfordir de orllewin Gwlad yr Iâ a 50 km o'r brifddinas, Reykjavík. Yn ogystal â bod yn brif dref bwrdeisdref Árborg mae hefyd yn brif dref gweinyddol Rhanbarth Suðurland (Rhanbarth y De). Y trefi agosaf yw Eyrarbakki, Stokkseyri a Hveragerði.

Enw[golygu | golygu cod y dudalen]

Er mai 'rhaeadr' yw ystyr foss does dim rhaeadr yn y dref.

Gorolwg[golygu | golygu cod y dudalen]

yr hen bont tua 1918, Tryggvaskali

Setlwyd Selfoss gan Þórir Ásason rywbryd ar ôl y flwyddyn 1000; Fodd bynnag, mae sagas Gwlad yr Iā yn sôn i Ingolfur Arnarson fod yno yn ystod y gaeaf o 873-74 o dan fynydd Ingolfsfjall, sydd i'r gorllewin o afon Ölfusá.

Yn haf 1891, oherwydd lobïo Tryggvi Gunnarsson, aelod o'r Alþing, adeiladwyd y bont grog dros yr Ölfusá. Roedd hwn yn ddatblygiad strwythurol fawr yn hanes Gwlad yr Iâ. Gwnaeth y bont y dref yn ganolfan dref rhesymegol ar gyfer gwasanaethu y rhanbarth amaethyddol o'i chwmpas. Adeiladwyd y bont bresennol yn 1945 ar ôl i'r strwythur gwreiddiol ddymchwel.

Ym 1900 roedd y dref yn gartref i dim ond 40 o drigolion, ond erbyn 2011 roedd y boblogaeth wedi dringo i 6,500 ac yn 2017 yn 7,130.

Yn 1931 sefydlwyd y cwmni llaeth Mjólkurbú Flóamanna a'r siop gyffredinol Kaupfélag Árnesinga. Y ddau gwmni hyn oedd prif gyflogwyr yr ardal ers sawl degawd. Yn ystod yr Ail Ryfel Byd, rhoddwyd milwyr Prydain yn Selfoss i warchod y bont strategol.

Foss Gyfoes[golygu | golygu cod y dudalen]

Сanol tref Selfoss

Heddiw, gyda system drafnidiaeth well, mae Selfoss yn elwa o'i agosrwydd i ardal Reykjavík Fawr a rhagwelir y bydd yn tyfu ymhellach yn y blynyddoedd nesaf wrth i fusnesau a thrigolion adleoli i'r dref oherwydd prisiau eiddo iss. Mae Foss yn gartref i un o'r colegau mwyaf yn y wlad; FSU Fjölbrautaskóli Suðurlands.

Bob dechrau mis Awst, mae'r dref yn cynnal gŵyl o'r enw "Sumar á Selfossi" ('Haf yn Selfoss'). Mae trigolion lleol yn addurno eu gerddi â rhubanau, wedi'u lliwio yn ôl y gymdogaeth, a chynhelir garddwest ar y glaswelltir cyhoeddus y tu ôl i'r llyfrgell ddinesig. Mae'r ffair yn cynnwys gwerthu nwyddau cartref o stondinau bychain, perfformiadau gan gerddorion, ac yn 2011, cynhaliwyd cystadleuaeth "Y Dyn Cryfa, a recordiwyd gan sianel Stöð 2. Yn y noson, Mae gwyliau'n parhau tân mawr ac arddangosfa tân gwyllt am ddim.

Bedd Bobby Fischer[golygu | golygu cod y dudalen]

Bedd Bobby Fischer

Hunanoss yw'r dref lle claddwyd y cyn-Hyrwyddwr Byd Gwyddbwyll Bobby Fischer.[1]

Daeargryn 2008[golygu | golygu cod y dudalen]

Dioddefwyd daeargryn o gryfder 6.3 ger Selfoss ar brynhawn Iau 29 Mai 2008.[2][3] Ni niewidiwyd neb ddifrifol ond achoswyd difrod sylweddol i rai adeiladau a ffyrdd. Teimlwyd y daeargryn ar draws de'r ynys gan gynnwys Reykjavík a Maes Awyr Keflavík. Anafwyd 30 person ond ni laddwyd neb ond bu farw sawl dafad.

Chwaraeon[golygu | golygu cod y dudalen]

Tîm pêl-droed y dref yw UMF Selfoss, a sefydlwyd yn 1936 ac sydd wedi chwarae yng nghyngreiriau Gwlad yr Iâ er 1966. Bu'r clwb am ddau dymor yn uwch gynghrair y wlad, yr Úrvalsdeild, yn 2010 and 2012.

Clwb pêl-fasged broffeisynol y dref yw FSu, sydd wedi chwarae yn Adran 1 a'r Uwch Gynghrair. Ceir hefyd tîm uwchgynghrair yn pêl-llaw.

Enwogion[golygu | golygu cod y dudalen]

Björk - yn yr 'Hurricane Festival'

O bosib y person enwocaf o Selfoss yw'r gantores Björk a fu'n byw yno pan yn blentyn. Ymysg pobl adnabyddus eraill y dref mae:

  • Jón Arnar Magnússon, cyn-athletwr decathalon
  • Wolf "The Dentist" Stansson, hyfforddwr hoci iâ
  • Davíð Oddsson, cyn-Brif Weinidog Gwlad yr Iâ
  • Björgvin G. Sigurðsson, gwleidydd
  • Gunnar Ólason, aelod o'r band Skítamórall.
  • Jón Daði Böðvarsson, chwaearwr pêl-droed gyda Reading FC a tîm pêl-droed cenedlaethol Gwlad yr Iâ
Golygfa panoramig o Selfoss

Cyfeiriadau[golygu | golygu cod y dudalen]

  1. "Life Is Rescues". The New Yorker. 2015-11-09. Cyrchwyd 2015-11-26.
  2. "Strong earthquake rocks Iceland". BBC. 2008-05-29. Cyrchwyd 2008-05-29.
  3. "Magnitude 6.3 - ICELAND REGION". United States Geological Survey. 2008-05-29. Archifwyd o'r gwreiddiol ar January 11, 2005. Cyrchwyd 2008-06-17. Unknown parameter |deadurl= ignored (help)

Dolen allanol[golygu | golygu cod y dudalen]

Gwefan Bwrdeisdref Árborg