Ricardo Güiraldes

Oddi ar Wicipedia
Jump to navigation Jump to search
Ricardo Güiraldes
RicardoGuiraldes.JPG
Ganwyd 13 Chwefror 1886 Edit this on Wikidata
Buenos Aires Edit this on Wikidata
Bu farw 8 Hydref 1927 Edit this on Wikidata (41 oed)
Achos: lymffoma Edit this on Wikidata
Paris Edit this on Wikidata
Dinasyddiaeth Yr Ariannin Edit this on Wikidata
Alma mater
  • Colegio Nacional de Buenos Aires Edit this on Wikidata
Galwedigaeth Bardd, Ysgrifennwr Edit this on Wikidata
Arddull Barddoniaeth Edit this on Wikidata

Nofelydd a bardd Archentaidd yn yr iaith Sbaeneg oedd Ricardo Güiraldes (13 Chwefror 18868 Hydref 1927).[1] Ei gampwaith ydy'r nofel Don Segundo Sombra (1926), enghraifft o lenyddiaeth y gaucho ac un o glasuron llên yr Ariannin.

Ganwyd yn Buenos Aires i deulu cefnog, a chafodd ei fagu ar ystâd y teulu yn Nhalaith Buenos Aires. Treuliodd dair mlynedd gyntaf ei oes ym Mharis, a dysgodd Ffrangeg cyn iddo ddysgu Sbaeneg.[2]

Dychwelodd i Baris yn 1910, ac yno daeth yn gyfeillgar â llenorion Ffrengig yr avant-garde a'r beirdd Dirywiaethol. Defnyddiodd arddulliau arbrofol yn ei gyfrol gyntaf o farddoniaeth, El cencerro de cristal (1915). Cyhoeddodd ei nofel gyntaf, Raucho, yn 1917.

Aeth i Baris ym Mawrth 1927 i chwilio am driniaeth i'w afiechyd. Bu farw yno ar 8 Hydref yn 41 oed o glefyd Hodgkin.[3]

Cyfeiriadau[golygu | golygu cod y dudalen]

  1. (Saesneg) Ricardo Güiraldes. Encyclopædia Britannica. Adalwyd ar 18 Ebrill 2019.
  2. Angela B. Dellepiane, "Güiraldes, Ricardo (1886–1927)" yn Encyclopedia of Latin American History and Culture (Gale, 2008). Adalwyd ar Encyclopedia.com ar 18 Ebrill 2019.
  3. "Ricardo Güiráldez" yn Encyclopedia of World Biography (Gale, 2004). Adalwyd ar Encyclopedia.com ar 18 Ebrill 2019.

Darllen pellach[golygu | golygu cod y dudalen]

  • William W. Megenney (gol.), Four Essays on Ricardo Güiraldes (1886–1927) (1977).
  • Giovanni Previtali, Ricardo Güiráldez and Don Segundo Sombra: Life and Works (1963).