Rhys Lewis
 Clawr yr argraffiad diweddaraf o Rhys Lewis | |
| Enghraifft o: | gwaith llenyddol  |
|---|---|
| Awdur | Daniel Owen |
| Gwlad | Cymru |
| Iaith | Cymraeg |
| Dyddiad cyhoeddi | 1885 |
| Genre | Nofel |
| Statws hawlfraint | parth cyhoeddus, parth cyhoeddus |
| Dynodwyr | |
Nofel gan Daniel Owen yw Hunangofiant Rhys Lewis, Gweinidog Bethel. Fe'i cyhoeddwyd gyntaf yn 1885. Ffurfiodd cymeriadau'r nofel ran o'r gyfres deledu Treflan i S4C.
Cynllun
[golygu | golygu cod]Ysgrifennwyd y nofel hon yn y person cyntaf, yn croniclo hunangofiant Rhys ers ei ddyddiau cyntaf. Mae bywyd yn galed i Rhys, ac mae llu o brofedigaethau yn taro'i deulu a'i gymuned. Trwythir Rhys yn drwyadl mewn Methodistiaeth gan ei fam, a chyda chymorth ambell gyfaill fe ddaw yn weinidog Bethel.
Cymeriad hoffus arall yw Wil Bryan, ychydig yn hŷn na Rhys, a'i gyfaill pennaf. Lle mae Rhys yn ymdrechu i ymddwyn yn gywir, mae Wil yn llawn direidi, ond rhywsut fe welwn fod Wil, erbyn diwedd y llyfr, wedi llwyddo mewn bywyd.
Mae ochr dywyll i'r nofel, a dydy pechod a drygioni perthnasau eraill yn y cysgodion byth yn bell i ffwrdd. Mae iselder ysbryd a phruddglwyf yn treiddio drwy'r hanes.
Prif Gymeriadau
[golygu | golygu cod]- Abel Huws, patrwm o flaenor traddodiadol, cadarn a di-lol.
- Wil Bryan
- Rhys Lewis
- Mari Lewis, mam Rhys
- Tomos a Barbra Bartley
Addasiadau
[golygu | golygu cod]Addaswyd y nofel yn ddrama boblogaidd gan J. M. Edwards a'i chyhoeddi gan Hughes a'i Fab ym 1909 dan yr un enw, Rhys Lewis.
Llyfryddiaeth
[golygu | golygu cod]- Rhys Lewis (Hughes a'i Fab, Wrecsam, 1885)
- Ailgyhoeddwyd gan Hughes a'i Fab yng 'Nghyfres Clasuron Hughes', Hydref 2002