Rhodri Talfan Davies
| Rhodri Talfan Davies | |
|---|---|
| Ganwyd | 9 Chwefror 1971  |
| Dinasyddiaeth |  Cymru |
| Alma mater |
|
| Galwedigaeth | newyddiadurwr, gweithredwr darlledu |
| Tad | Geraint Talfan Davies |
Gweithredwr darlledu o Gymru yw Rhodri Talfan Davies (ganwyd 9 Chwefror 1971). Mae'n aelod o fwrdd rheoli'r BBC,[1] ac yn gyn-newyddiadurwr a gweithredwr cyfathrebu.[2] Bydd yn cychwyn fel Cyfarwyddwr Cyffredinol dros-dro y BBC ar 3 Ebrill 2026. Roedd yn gyfarwyddwr BBC Cymru rhwng 2011 a 2020.
Bywyd personol ac addysg
[golygu | golygu cod]Ganwyd Davies yng Nghaerdydd ym 1971 i Elizabeth Siân Vaughan Yorath a Geraint Talfan Davies, cadeirydd Opera Cenedlaethol Cymru a chyn rheolwr BBC Cymru Wales.[3]
Fe'i haddysgwyd yn Ysgol Gyfun Gymraeg Glantaf, Caerdydd, ac Ysgol Ramadeg Brenhinol, Newcastle upon Tyne, ac aeth Davies ymlaen i astudio fel myfyriwr israddedig yng Ngholeg yr Iesu, Rhydychen (BA Anrh), a derbyniodd ddiploma ôl-radd mewn newyddiaduraeth o Brifysgol Caerdydd.[3]
Gyrfa
[golygu | golygu cod]Cychwynnodd gyrfa Davies gyda chyfnod byr fel is-olygydd ar y Western Mail yn 1993. Yn yr un flwyddyn ymunodd â'r BBC fel newyddiadurwr dan hyfforddiant, lle arhosodd fel cynhyrchydd a gohebydd newyddion tan 1999.[3]
Roedd Davies yn bennaeth rhaglenni rhanbarthol gyda BBC West ym Mryste rhwng 1999 a 2001, gan gymryd gofal o wasanaethau teledu, ar-lein a radio lleol ar draws y rhanbarth. Gadawodd y BBC yn 2001 i fod yn gyfarwyddwr teledu ar y cwmni newydd Homechoice (TalkTalk TV bellach). Yn 2005, penodwyd ef yn bennaeth marchnata teledu gyda'r gweithredwr cebl ntl.[4]
Yn 2006 dychwelodd Davies i'r BBC fel pennaeth strategaeth a chyfathrebu. Penodwyd ef yn gyfarwyddwr BBC Cymru Wales ym mis Medi 2011.[4] Yn Rhagfyr 2020 penodwyd Davies yn Gyfarwyddwr Cenhedloedd gyda chyfrifoldeb dros y cenhedloedd a cynulleidfaoedd lleol yn yr Alba, Cymru, Lloegr a Gogledd Iwerddon.[5][6]
Yn Ionawr 2026 fe'i penodwyd yn Gyfarwyddwr-Cyffredinol dros dro y BBC, nes fod penodiad parhaol.[7]
Cyfeiriadau
[golygu | golygu cod]- ↑ Biography. BBC.
- ↑ BBC - Press Office - Rhodri Talfan Davies appointed Director, BBC Cymru Wales. Adalwyd ar 15 Rhagfyr 2015.
- ↑ 3.0 3.1 3.2 (2014) Who's Who 2015. Reference Library: Bloomsbury. ISBN 9781408181201
- ↑ 4.0 4.1 Rhodri Talfan Davies replaces Menna Richards as director of BBC Wales. Adalwyd ar 15 Rhagfyr 2015.
- ↑ "BBC Wales: Rhodri Talfan Davies made director of nations". BBC News. 1 December 2020.
- ↑ Creamer, Jon (1 December 2020). "Rhodri Talfan Davies appointed BBC Director of Nations". Televisual.
- ↑ "Penodi Rhodri Talfan Davies yn gyfarwyddwr cyffredinol dros dro'r BBC". newyddion.s4c.cymru. 2026-01-28. Cyrchwyd 2026-01-28.
Dolenni allanol
[golygu | golygu cod]- Bywgraffiad BBC
Archifwyd 2016-04-10 yn y Peiriant Wayback