RAF y Fali

Oddi ar Wicipedia
Neidio i: llywio, chwilio
Awyren Hawk yn RAF y Fali

Gorsaf a maes awyr yn perthyn i'r Llu Awyr Brenhinol yng ngogledd-orllewin Ynys Môn yw RAF y Fali neu Llu Awyr Brenhinol y Fali (Saesneg: RAF Valley). Cymer ei enw o Y Fali gerllaw.

Adeiladwyd RAF y Fali yn 1941, ac yn ystod y gwaith adeiladu, cafwyd hyd i gasgliad pwysig o arfau a chelfi o Oes yr Haearn yn llyn Cerrig Bach gerllaw. Prif swyddogaeth yr orsaf yw hyfforddi awyrennwyr i ddefnyddio awyrennau jet cyflym, gan ddefnyddio jetiau BAE Hawk. Mae hefyd adran o hofrennyddion Sea King, sy'n cael eu defnyddio i roi gwasanaeth achub o longau ym Môr Iwerddon ac o fynyddoedd Eryri.

Mae maes awyr sifil Maes Awyr Môn gerllaw yn dal i berthyn i'r RAF ac mae RAF y Fali yn gyfrifol am reoli traffig awyr yno o hyd.