Pumawd llinynnol

Oddi ar Wicipedia
Jump to navigation Jump to search

Ensemble cerddorol sy'n cynnwys pum chwaraewr llinynnol yw pumawd llinynnol. Defnyddir yr enw hefyd i gyfeirio at gyfansoddiad a ysgrifennwyd i'w berfformio gan grŵp o'r fath. Fel arfer mae'r offerynnau'n cynnwys pedwarawd llinynnol – dau chwaraewr ffidil, chwaraewr fiola a sielydd – ynghyd â fiola ychwanegol neu sielo ychwanegol; fodd bynnag, weithiau defnyddir bas dwbl fel y pumed offeryn.

Yn nodedig, ysgrifennodd Wolfgang Amadeus Mozart chwe phumawd llinynnol a oedd yn cynnwys y fiola ychwanegol. Ysgrifennwyd enghreifftiau eraill o'r math hwn gan gyfansoddwyr gan gynnwys Johannes Brahms a Felix Mendelssohn.

Ysgrifennodd Luigi Boccherini fwy na chant pumawd llinynnol a oedd yn cynnwys y sielo ychwanegol. Enghraifft enwog arall o'r math hwn yw'r Pumawd Llinynnol yn C fwyaf , D956, gan Franz Schubert.

Pumawd Llinynnol rhif 2 yn G fwyaf, Op. 77, gan Antonín Dvořák yw enghraifft o'r math mwyaf prin o bumawd llinyn, sef yr un â'r bas dwbl ychwanegol.