Plas Menai

Oddi ar Wicipedia
Jump to navigation Jump to search
Plas Menai

Canolfan Chwaraeon Dŵr Genedlaethol Cymru yw Plas Menai. Mae wedi'i lleoli ar lan ddeheuol Afon Menai, tua dwy filltir i'r dwyrain o Gaernarfon i gyfeiriad Bangor, Gwynedd. Mae'r ganolfan yn cynnig llawer o gyrsiau technegol ac addysgu hyfforddwyr mewn hwylio dingi, gwyntsyrffio, gyrru cychod pŵer, morio a chaiacio. Mae hefyd yn cynnal rhaglen o weithgareddau awyr agored i ysgolion, grwpiau, oedolion, plant a’r gymuned leol. Perchennog y ganolfan ydy Chwaraeon Cymru.

Hanes[golygu | golygu cod y dudalen]

"Plas y Deri" oedd enw'r ganolfan yn gyntaf, pan agorodd ei drysau yn 1978 ond newidiwyd yr enw yn 1980 i enw mwy morwrol. Mae hi'n efaill i Blas y Brenin ger Capel Curig, er fod gan y ddwy ganolfan berchnogion gwahanol. Cyfarwyddwr cyntaf Plas Menai oedd John A Jackson.

Fel Plas y Brenin, yn wreiddiol, cynlluniwyd llethr sgio ar gyfer y ganolfan, ond aeth pethau'n ffliwt pan roddwyd pwysau arnynt i beidio a mynd ymlaen gyda'r cynlluniau - gan bobl o Landudno, oedd newydd agor llethr sgio eu hunain. Roedd y gwaith o adeiladu'r llethr wedi cychwyn a chodwyd bryncyn 80 troedfedd o uchder cyn rhoi'r ffidil yn y to. Yn 2006 trowyd y bryncyn yn fan hyfforddi beicio antur a gelwir y trac yn "Trac Jackson", i gofio'r Cyfarwyddwr cyntaf.

Math o gyrsiau a gynigir[golygu | golygu cod y dudalen]

  • Taith Caiacio Môr Connemara
  • Hyfforddwyr Lefel 1 y BCU
  • Penwythnos Morio ar arfordir Cymru

Sgiliau[golygu | golygu cod y dudalen]

Cyfeiriadau[golygu | golygu cod y dudalen]