Philippe d'Orléans (1640 - 1701)

Oddi ar Wicipedia
Jump to navigation Jump to search
Philippe d'Orléans
Philippe of France, Duke of Orléans in 1675 by Mignard.jpg
Philippe d'Orléans, Dug Orléans yn 1675 gan Mignard
Dug Orléans
Teyrnasiad 10 Mai 1661 – 9 Mehefin 1701
Ganwyd (1640-09-21)21 Medi 1640
Château de Saint-Germain-en-Laye, Ffrainc
Bu farw 9 Mehefin 1701(1701-06-09) (60 oed)
Château de Saint-Cloud, Ffrainc
Claddwyd 21 Mehefin 1701
Basilica Sant Denis, Saint Denis, Ffrainc
Priod Henrietta o Loegr
Elisabeth Charlotte o'r Freiniarllaeth
Plant Marie Louise, Brenhines Sbaen
Anne Marie, Brenhines Sardinia
Philippe, Dug Orléans
Élisabeth Charlotte d'Orléans
Enw llawn
Philippe de France
Teulu Llinach Orléans
Llinach y Bourbon
Tad Louis XIII
Mam Ann o Awstria
Llofnod

Mab ieuengaf Louis XIII, brenin Ffrainc a'i wraig Ann o Awstria oedd Philippe d'Orléans (21 Medi 1640 - 9 Mehefin 1701). Rhoddwyd iddo'r teitl Dug Anjou o'i enedigaeth ac yna'n Ddug Orléans ar farwolaeth ei ewyrth Gaston yn 1660. Ei frawd hynaf, Louis XIV, brenin Ffrainc, oedd y roi soleil. Tra theyrnasodd ei frawd, fe'i adnabyddid yn syml, fel Monsieur, teitl traddodiadol y llys Ffrengig a roddwyd i'r mab ieuengaf.

Yn 1661 derbyniodd ddugaeth Valois a Chartres.[1] Yn dilyn ei lwyddiant milwrol yn 1671, ychwanegwyd dugaeth Nemours, fel rhodd gan ei frawd y brenin, ac yna ardalaeth Valois, Chartres ac eraill.[2]

Ymfalchiodd yn ei ystumiau a'i olwg merchetaidd, ac roedd yn ŵr hoyw, a hynny'n agored. Ond gwnaeth ei ddyletswydd traddodiadol gan briodi ddwywaith a daeth yn dad i sawl plentyn. Yn wir, ef yw sefydlydd Llinach Orléans a Bourbon, ac mae felly'n un o hynafiaid Louis Philippe I, brenin Ffrainc a deyrnasodd rhwng 1830 hyd at 1848. Oherwydd ei ddisgynyddion Pabyddol, gelwir ef, bellach, yn "Dadcu Ewrop".[3] Mae hefyd yn nodedig am ei fuddugoliaeth ym Mrwydr Cassel yn 1677. Ychwanegodd at gyfoeth Llinach Orléans, yn bennaf oherwydd ei allu gweinyddol.

Cyfeiriadau[golygu | golygu cod y dudalen]

  1. Anthony, Louisa. Footsteps to history, being an epitome of the histories of England and France, from the fifth to the nineteenth century, p.195. Published 1852.
  2. Lane, William Coolidge. "A.L.A. Portrait Index: Index to Portraits Contained in Printed Books", P1099. Published 1906, B. Franklin.
  3. Mitford, t. 55