Pentre Ifan
 | |
| Math | cromlech  |
|---|---|
| Sefydlwyd |
|
| Daearyddiaeth | |
| Ardal warchodol | Parc Cenedlaethol Arfordir Penfro |
| Lleoliad | Nanhyfer |
| Sir | Nanhyfer, Sir Benfro |
| Gwlad |  Cymru |
| Cyfesurynnau | 51.999°N 4.77°W |
 | |
| Perchnogaeth | Cadw |
| Statws treftadaeth | heneb gofrestredig |
| Manylion | |
| Deunydd | carreg |
| Dynodwr Cadw | PE008 |
Pentre Ifan yw cromlech fwyaf Cymru. Saif yng ngogledd Sir Benfro, rhyw 2 km o bentref Nanhyfer a 17 km o Aberteifi.
Ei enw gwreiddiol oedd Cerrig Coetan, enw sydd wedi cael ei adlewyrchu mewn nifer o gromlechi eraill ar draws Sir Benfro a Chymru. Mae'n bosib taw enw newydd wedi tarddu o oes y Fictoriaid (neu gynt) yw Pentre Ifan, gan fod y gromlech wedi'i leoli ar dir fferm o'r enw Pentre Ifan.
Mae'r gromlech, sydd yng ngofal Cadw, yn dyddio o tua 3500 CC., ac yn wreiddiol roedd wedi ei gorchuddio gan domen o gerrig tua 36 m o hyd i ffurfio siambr gladdu. Mae'r maen capan yn 5.1 m o hyd, ac yn pwyso tua in 16 tunnell.
Mae amlinelliad yr henebyn, sydd wedi'i gloddio gan archaeolegwyr, yn dangos fod ei ben blaen ar ffurf cilgant gyda phorth uchel a bod y domen o gerrig yn culhau yn y cefn. Mae hyn yn siap anghyffredin yng Nghymru, ond ceir siambrau claddu cyffelyb yn ne-orllewin yr Alban. Mae'r cyfan yn gorwedd ar echel ogledd - de.
Darganfuwyd olion tyllau rheolaidd ar ei ymyl a rhesi o gerrig bychain a oedd efallai o arwyddocâd defodol fel rhan o gwlt y meirw.
Cyfeiriadau[golygu | golygu cod y dudalen]
- Christopher Houlder, Wales: An Archaeological Guide (Llundain, 1978)
