Peel, Ynys Manaw

Oddi ar Wicipedia
(Ailgyfeiriad oddi wrth Peel (Ynys Manaw))
Jump to navigation Jump to search
Golygfa ar Peel o Ynys St Patrick

Peel (Manaweg: Purt ny hInshey, 'Porth yr Ynys') yw tref bedwaredd fwyaf Ynys Manaw, ar ôl Douglas, Onchan a Ramsey; mae'n gartref i unig eglwys gadeiriol yr ynys ond nid yw'n ddinas swyddogol. Mae ganddi boblogaeth o 5,093 (cyfrifiad 2011).[1] Peel yw prif borthladd pysgota'r ynys.

Eglwys Gadeiriol Peel yw sedd Arglwydd Esgob Sodor a Manaw.

Disgrifir Peel yn aml fel 'dinas y machlud' oherwydd y tywodfaen coch a ddefnyddwyd i godi nifer o'i hadeiladau, gan gynnwys Castell Peel, a leolir ar ynys fechan Ynys St Patrick a gysylltir â'r dref gan sarn. Mae'n dref sy'n boblogaidd gan ymwelwyr yn yr haf. Mae ganddi strydoedd cul deniadol, rhodfa'r môr lydan a thraeth tywodlyd. Gwelir morloi yn yr harbwr weithiau.

Ceir dwy amgueddfa yno: amgueddfa Tŷ Manannan, yr ail fwyaf ar yr ynys, ac Amgueddfa Cludiant Ynys Manaw.

Cyfeiriadau[golygu | golygu cod y dudalen]

  1. Isle of Man Census Report 2011. Adalwyd 21 Ionawr 2013.