Neuadd William Aston

Oddi ar Wicipedia
Neuadd William Aston
Enghraifft o'r canlynolneuadd gyngerdd, theatr, neuadd gerddoriaeth Edit this on Wikidata
RhanbarthWrecsam Edit this on Wikidata
Prifysgol Wrecsam (Prifysgol Glyndŵr gynt), lleoliad Neuadd William Aston
Jimmy Carr a berfformiodd yn Neuadd William Aston

Neuadd William Aston hefyd Theatr William Aston (Saesneg: William Aston Hall) yw lleoliad theatr a chyngherddau mwyaf dinas Wrecsam gyda lle i hyd at 880 (1200 yn sefyll).

Wedi’i lleoli ar gyrion canol tref Wrecsam ar gampws Prifysgol Wrecsam, Prifysgol Glyndŵr, Ffordd yr Wyddgrug, Wrecsam, LL11 2AF.[1]

Perfformwyr[golygu | golygu cod]

Mae Neuadd William Aston croesawu rhai o’r enwau mwyaf ym myd comedi (gan gynnwys yn Gymraeg perfformiadwyr megis taith Nadolig 2023 Cabarela[2] ac yn Saesneg Kevin Bridges, Alan Davies a Jimmy Carr), cerddoriaeth (gan gynnwys Feeder a The Levellers) yn ogystal â ballet, dawns, sgyrsiau a sioeau.[1] Mae hefyd gartref i Gerddorfa Symffoni Wrecsam a sefydlwyd yn 1969 gan Bryn Williams fel y 'Clwydian Ensemble'.[3]

Hanes[golygu | golygu cod]

Mae’r neuadd wedi’i henwi ar ôl un o drigolion enwog Wrecsam, William Aston CBE (1869-1962), gŵr busnes o fri a gwleidydd lleol a chwaraeodd ran allweddol yn natblygiad Wrecsam fel tref ac fel canolfan dysg.

Yn 2022 daeth Theatr Clwyd a Phrifysgol Wrecsam (a alwyd yn Brifysgol Glyndŵr ar y pryd) at ei gilydd mewn partneriaeth i achub dyfodol Neuadd William Aston. Eu bwriad oedd diogelu’r lleoliad celfyddydol hanfodol hwn fel ased cymunedol, gan sicrhau bod pobl Wrecsam a Gogledd Cymru fynediad i adloniant byw.

Mae Theatr Clwyd bellach yn gweithredu’r lleoliad – o’r bariau a gwerthiant y tocynnau, i raglennu a llogi.[1]

Dolenni allannol[golygu | golygu cod]

Cyfeiriadau[golygu | golygu cod]

  1. 1.0 1.1 1.2 "Amdanom Ni". gwefan Neuadd William Aston. Cyrchwyd 15 Mawrth 2024.
  2. "Pwy sy'n Dwad?". Tudalen Facebook Cabarela. 28 Medi 2023.
  3. "WSO History". Gwefan Cerddorfa Symffoni Wrecsam. Cyrchwyd 15 Mawrth 2024.