Nebuchadnesar II

Nebuchadnesar II
Ganwyd	c. 642 CC  Uruk
Bu farw	c. 561 CC  Babilon
Galwedigaeth	teyrn, arweinydd, brenin
Swydd	King of Babylon
Adnabyddus am	Gerddi Crog Babilon, Ishtar Gate
Tad	Nabopolassar
Priod	Amytis of Media
Plant	Amel-Marduk, Eanna-sharra-usur, Kaššaya, Nitocris of Babylon

Roedd Nebuchodnesar II neu Nebuchadnezzar II (Cymraeg Beiblaidd: Nebuchodonosor ) (605 CC - 562 CC) yn frenin Babilon ym Mesopotamia (de Irac heddiw). Mae'n gymeriad pwysig yn yr Hen Destament.

Yn ystod ei ryfel yn erbyn teyrnas Judaea cipiodd Nebuchodnesar ddinas Jeriwsalem a'i dinistrio yn 586 CC. Gorfodwyd nifer o'r trigolion i fudo i Fesopotamia. Mae'r Iddewon yn galw'r cyfnod a dreuliasant yno yr Alltudiaeth Fabilonaidd. Yn ôl traddodiad cludwyd Arch y Cyfamod i Fabilon ganddo.

Gerddi Crog Babilon

Ymhlith y carcharorion oedd Daniel. Enillodd Daniel rym a dylanwad ym Mabilon trwy egluro ystyr breuddwyd a gafodd y brenin am ddelwedd aur â thraed o glai (Dan 2:32-3). Gyda thri Iddew arall, Shadrach, Meshach ac Abednego, gwrthododd Daniel addoli'r delwedd aur a greuwyd ar orchymyn y brenin a goroesodd brofedigaeth y Ffwrnas Tanllyd (Dan 3:19-30). Tro arall anwybyddodd Nebuchodnesar ddadansoddiad Daniel o freuddwyd am goeden a dorwyd i lawr i'w bôn gan angel, a oedd yn golygu y byddai'r brenin yn cael ei ddarostwng os nad edifarheuai. Flwyddyn yn ddiweddarach, ac yntau'n bostio am ei allu mawr, aeth Nebuchodnesar o'i gof. Aeth i grwydro yn yr anialwch gan fwyta gwair fel anifail gwyllt (Dan 4:33).

Roedd y gerddi crog enwog ym Mabilon a godwyd ar do palas y brenin, neu yn ei ymyl, yn un o Saith Rhyfeddod yr Hen Fyd.

Nebuchodnesar II yw'r cymeriad teitl yn opera Verdi Nabucco.

Dolenni allanol

• (Saesneg) Cyfieithiad o gyhoeddiad Porth Ishtar
• (Saesneg) Cyhoeddiad Porth Ishtar o gyfnod Nebuchodnesar