Mithraeum Caernarfon

Oddi ar Wicipedia
Jump to navigation Jump to search
Mithraeum Caernarfon
Math Mithraeum Edit this on Wikidata
Daearyddiaeth
Lleoliad Segontium Edit this on Wikidata
Sir Gwynedd Edit this on Wikidata
Gwlad Baner Cymru Cymru
Cyfesurynnau 53.1372°N 4.2624°W Edit this on Wikidata

Gweddillion teml Rufeinig i'r duw Mithras yw Mithraeum Caernarfon. Saif 137 metr i'r gogledd-ddwyrain o gaer Rufeinig Segontium, ar gyrion Caernarfon, Gwynedd. Dyma'r unig esiampl o Mithraeum yng Nghymru.

Cafwyd hyd i'r gweddillion trwy ddamwain ar 2 Ebrill 1958, a chloddiwyd y safle gan Amgueddfa Genedlaethol Cymru dan George Boon yn Awst yr un flwyddyn.[1] Roedd y safle wedi ei niweidio gan ffos oedd wedi ei chloddio drwy ran o gyntedd yr adeilad, ond gallwyd cloddio'r rhan fwyaf o'r safle'n llwyddiannus.

Credir fod yr adeilad cyntaf, 14.6m wrth 6.5m, wedi ei adeiladu yn y 3g, yn y cyfnod pan oedd Cohors I Sunicorum yn ffurfio garsiwn y gaer. Roedd cyntedd (narthex) ar yr ochr ddeheuol, yna'r deml ei hun, gyda dwy res o feinciau bob ochr i ardal gyda llawr is yn y canol. Ymddengys i'r deml gael ei hail-adeiladu nifer o weithiau, ac na chafodd ei defnyddio wedi diwedd y 3g.


Llyfryddiaeth[golygu | golygu cod y dudalen]

G.C. Boon 1960. A Temple of Mithras at Caernarvon-Segontium. Yn Archaeologia Cambrensis 1960. tt136-178.

Nodiadau[golygu | golygu cod y dudalen]

  1. G.C. Boon 1960. A Temple of Mithras at Caernarvon-Segontium. Yn Archaeologia Cambrensis 1960. tt136-178.