Margaret Scott

Oddi ar Wicipedia
Jump to navigation Jump to search
Margaret Scott
Margaret Scott (Margaret Gertrude Schencke) 1914.jpg
Ganwyd 1888 Edit this on Wikidata
Zwickau Edit this on Wikidata
Bu farw 1973 Edit this on Wikidata
Ealing Edit this on Wikidata
Dinasyddiaeth Baner Yr Almaen Yr Almaen
Galwedigaeth swffragét Edit this on Wikidata

Ffeminist a swffragét o'r Almaen ac yna o'r Deyrnas Unedig oedd Margaret Schenke (1888 – 1973). Fe'i harestiwyd wedi i ddau agent provocateur ei hannog i dorri ffenest. Cadwodd yr heddlu eu llygad arni am rai blynyddoedd. Ei henw bedydd oedd Gretel Schenke a defnyddiai sawl enw arall gan gynnwys Margaret Schenke a Margaret Scott.

Fe'i ganed yn Zwickau, Sachsen, yn 1888 a bu farw yn Ealing (Bwrdeistref Llundain).

Ganwyd Gretel Schenke yn ganlyniad i ail briodas ei thad. Credir i ffrae deuluol fod wrth wraidd iddi ymfudo i wledydd Prydain, ac iddi ddefnyddio'r enw "Margot Schenke" tua 1908. Bu'n lletua yn Chelsea cyn iddi gyfarfod rhai o'r swffragetiaid lleol, a threulio'i hamser yn gwerthu papurau newydd y mudiad hawliau merched.

Ceir un cofnod ohoni yn Hyde Park Corner, pan ddaeth pobl ifanc i'w phryfocio, gan wneud sylwadau rhywiol a cheisio ei hatafaelu. Roedd yn ddiolchgar pan ddaeth dau blismyn i wasgaru'r bobl ifanc a'i rhoi ar fws i fynd adref yn ddiogel.[1]

Gwrthdystiad a charchar[golygu | golygu cod y dudalen]

Nid oedd yr awdurdodau mor gefnogol pan gwrthdystiodd Schenke yn erbyn arestio Emmeline Pankhurst ym 1913. Siaradodd â dau brotestiwr arall ac awgrymodd y dylid taflu carreg at ffenestr y Swyddfa Gartref. Trefnodd y ddau ddieithryn iddi wneud galwad ffôn i esbonio na fyddai hi gartref o bosibl. Daeth i'r amlwg bod y ddau ddieithr yn ddau heddwas yn eu dillad eu hunain, a oedd yn procio drwg er mwyn ei harestio. Roedd ditectif gerllaw, a oedd yn barod i'w harestio.

Roedd Schenke yn ofni y gallai gael ei halltudio felly rhoddodd enw ffug, sef Margaret Scott ac o dan yr enw hwn cafodd ei dedfrydu i fis o garchar yng Ngharchar Holloway. Mewn tro anarferol cafodd dynnu ei llun, yn gyfrinachol, a dosbarthwyd y llun hwnnw, a lluniau o ferched eraill, i'r heddlu ac orielau celf i'w rhybuddio o swffragetiaid milwriaethus. Tynnwyd y lluniau o gar cuddiedig yn ystod ymarfer carcharorion gan ddefnyddio lens bwerus 11 modfedd, dyfais newydd sbon.

Priodi[golygu | golygu cod y dudalen]

Priododd Richard Dixon yng Ngorffennaf 1914 a pharhaodd i gefnodi'r swfragetiaid hyd at ddechrau'r Rhyfel, pan gafwyd cadoediad rhwng y Swffragetiaid a'r awdurdodau.

Bu'n aelod o Undeb Cymdeithasol a Gwleidyddol y Merched am rai blynyddoedd.

Anrhydeddau[golygu | golygu cod y dudalen]


Cyfeiriadau[golygu | golygu cod y dudalen]