Cronfa Aled Isaf
(Ailgyfeiriad o Llyn Aled Isaf)
 | |
| Math | cronfa ddŵr  |
|---|---|
| Daearyddiaeth | |
| Gwlad |  Cymru |
| Cyfesurynnau | 53.121662°N 3.62595°W |
| Rheolir gan | Dŵr Cymru |
 | |
Cronfa ddŵr ar Fynydd Hiraethog yn sir Conwy yw Cronfa Aled Isaf. Saif i'r gogledd o'r briffordd A543, i'r de-ddwyrain o bentref Gwytherin ac i'r de o bentref Llansannan, 1194 troedfedd uwch lefel y môr.
Ffurfiwyd y gronfa trwy adeiladu argae ar draws Afon Aled. Fel mae'r afon yn gadael y gronfa mae'n disgyn i lawr clogwyni i ffurfio Rhaeadr y Bedd. Mae'n gronfa weddol fawr, gydag arwynebedd o 65.7 acer (26.6ha.). Fel cronfa Llyn Aled gerllaw, adeiladwyd y gronfa yn y 1930au i ddarparu dŵr i Rhyl a Prestatyn, ond nid oedd digon o arian ar gael i orffen y gwaith i gael y dŵr i'r trefi hyn. Fe'i defnyddir yn awr i reoli llif Afon Aled.
Ceir pysgota am nifer o rywogaethau o bysgod, yn cynnwys Penhwyad.