La Rochelle

Oddi ar Wicipedia
Neidio i: llywio, chwilio
Arfbais La Rochelle

Dinas a phorthladd ar arfordir gorllewinol Ffrainc yw La Rochelle. Hi yw prifddinas departement Charente-Maritime. Gerllaw mae'r Île de Ré, a gysylltir a'r ddinas gan bont a adeiladwyd yn 1988. Roedd y boblogaeth yn 2004 yn 78,000.

Sefydlwyd La Rochelle yn ystod y 10fed ganrif, a daeth yn harbwr pwysog o'r 12fed ganrif. Yn 1137, gwnaeth Guillaume X, Dug Aquitaine y ddinas yn borthladd rhydd. Hyd y 15fed ganrif, La Rochelle oedd y porthladd mwyaf ar arfordir gorllewinol Ffrainc.

Yn ystod y Rhyfel Can Mlynedd, ymladdwyd Brwydr La Rochelle ar 22 Mehefin 1372. Gorchfygwyd llynges Seisnig gan lynges Ffrainc a Castille, gan ennill rheolaeth ar y môr i Ffrainc. Yn ddiweddarach, daeth La Rochelle yn ganolfan i'r Huguenotiaid o 1568 ymlaen. Gwarchaewyd arni yn 1572-1573 ac eto ym 1627-1628. Yn ystod yr Ail Ryfel Byd, roedd gan yr Almaenwyr ganolfan llongau tanfor yma. La Rochelle oedd y ddinas olaf yn Ffrainc i'r rhyddhau o'u gafael, ar 8 Mai 1945.

Yr hen ddinas a'r harbwr
Yr hen borthladd